मभागौदि २०२५ शशक- ब्रह्मांड गेमिंग कंपनी अनलिमिटेड - मामी

"सर, त्रिमुर्ती क्लाएंटच्या नारायण मूर्तीकडून पुन्हा रिक्वेस्ट आली आहे. अजूनही गेम रटाळ वाटतोय. इतर दोन डायरेक्टर्सचंही तेच म्हणणं आहे. तो भैरव नंदी वैतागून प्रोजेक्टच रद्द करत होता. ब्रह्मेंनी त्याला थोपवलं म्हणे."

"अरेच्चा! अजूनही समाधान नाही मूर्तीचं? त्याच्यासारखं आम्हीही अहोरात्र काम करायचं काय! बरं आता ते खास सहा डार्क भावना-प्रोग्रॅम्स आहेत ते फिट करा गेममधल्या सर्व पात्रांत. अर्थात प्रत्येकात वेगवेगळं प्रमाण हवं. घ्या किती रंजक हवंय ते! आता बोंबलले तरीही हे प्रोग्रॅम्स काढता येणार नाहीत सांगा."

"आणि गेम हाताबाहेर गेला तर?????? "

"दोन उपाय - हे प्रोग्रॅम्स पात्रांनी स्वतःहून प्रयत्नपूर्वक नष्ट केले तर
नाहीतर ................................
भैरव नंदीला त्याचा 'थर्ड आय' प्रोग्रॅम लाँच करावा लागेल."