मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by _आदित्य_ on 13 June, 2021 - 07:20
आता आता स्फुरली आहे..
एक कहाणी उरली आहे !
तुझ्या आठवणी विरल्या तरीही..
एक निशाणी उरली आहे !
दिवस लोटला संध्या सरली..
रात परी गुदमरते अजुनी !
पाऊस गेला ऊनही गेले..
शून्य विराणी उरली आहे !
कविता गेल्या गाणी गेली..
पळवूनी नेली कुणीतरी !
मुखात माझ्या तुझी तेवढी..
श्यामलवाणी उरली आहे !
एक कहाणी उरली आहे !
विषय:
Groups audience:
Group content visibility:
Use group defaults
शेअर करा
