चांदणी..

आमुचे अलगूज माझ्या लेखणीत कोठून येते?
ती अशी होऊन अश्रू पापणीत कोठून येते?

उमलल्या नाहीत अजुनी अंतरी कोठे कळ्या..
अमृताचे फुल माझ्या ओंजळीत कोठून येते?

उत्तरे अजून अवघी शोधतो माझ्या उरी...
ती प्रश्न सारे जीवनाचे सोडवीत कोठून येते?

मी भिकारी मागतानाही तिचे कण मागतो..
ती अशी शृंगारुनी मग झोपडीत कोठून येते?

सावळे घन दाटले पण देह अजुनी कोरडा..
चांदणी अश्रूंत मजला भिजवीत कोठून येते?

- आदित्य