कल्पांत

Submitted by राजेंद्र देवी on 6 May, 2021 - 12:43

कल्पांत

किती चिता धडधलेल्या
अजून किती श्वास अडकलेले
दशदिशा फाटलेल्या अन
किती घरात काळोख दाटलेला

आटले माणुसकीचे झरे
मरती माणसे की जनावरे
थिजली नयने, थिजली मने
काय नियतीच्या मनात
कोण जाणे, कोण जाणे

किती उजाड झाली घरे
डोक्यावरती गिधाड फिरे
ना आता जगण्यासारखे उरे
कल्पांत आला आहे खरे

राजेंद्र देवी

शब्दखुणा: 
Group content visibility: 
Public - accessible to all site users