कधी रे उगवावा तो चंद्र..

Submitted by सांज on 30 November, 2020 - 20:45

कधी रे उगवावा तो चंद्र
सांज रेंगाळते किनारी
दाटलेला अंधार, खुणावतो परोपरी

तुला शब्द सुचत नाहीत
गाठ माझी सुटत नाही
चाचपडणं नित्याचं, जिवाची लाही-लाही

भिती तुला भविष्याची
मला निसटणाऱ्या क्षणांची
दोन्हीमध्ये कातर कातर, रात्र सरते अावसेची

उद्याचा सूर्य असेल निराळा
ओढ मला आजच्या चंद्राची
तुझ्या नेत्रीं, वेगळीचं छवी, आज-उद्या पल्याडची

बघ पाऊस खिडकीशी अन्
कविता माझ्या ओठांशी
वेळ अशी नाजुक,जाईल विरुन डायरीच्या तळाशी

~ सांज

Group content visibility: 
Public - accessible to all site users