मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by निशिकांत on 15 November, 2020 - 08:13
सत्तेवरती पाप बैसले
सलाम करण्या पुण्य वाकले
कोल्हे कुत्रे रस्तोरस्ती
वाघ सिंह का कमी जाहले?
पोवाडे मी लिहू कुणावर?
शौर्य कालचे लुप्त जाहले
भ्रुणहत्त्येच्या सुपारीस का
डॉक्टरची फी म्हणू लागले?
आज तिला सुखरूप वाटते
वार्धक्याचे कवच लाभले
सन्याशांच्या भगव्या खाली
क्षुद्र पशूंनी स्वार्थ साधले
नोटांवरती सदैव हसती
गांधींनीही दु:ख झाकले
गमक यशाचे नवीन झाले
कुणी कुणाचे पाय खेचले
"निशिकांता"ने धवल बघाया
इतिहासाचे पान चाळले
निशिकांत देशपांडे मो.क्र. ९८९०७ ९९०२३
विषय:
Groups audience:
Group content visibility:
Public - accessible to all site users
शेअर करा
हे तर होणे लिहिले होते
हे तर होणे लिहिले होते
भांडवलाच्या पायवरती;
"कॉमी" कितीक करवादती,
शब्द झेलते बहिरी गर्दी.
- उगाचच आपली काव्यप्रतिभा. गंभीरपणे घेऊ नये.