Submitted by निशिकांत on 21 August, 2020 - 23:17
माझा श्रीगणेशा | पाठीशी हमेशा |
वसे दाही दिशा | माझा देव || १ ||
ओंकाराचे रूप | ब्रह्मांड स्वरूप |
ह्रदयी आप्रूप | दर्शनाची || २ ||
गणेशाची स्वारी | आली माझ्या दारी |
आता नको वारी | पंढरीची || ३ ||
उजेड फाकला | अंधार झाकला |
हाच रे दाखला | देवा तुझा || ४ ||
बुद्धीचा सागर | दयेचे आगार |
संसारी माघार | नको आता || ५ ||
ब्रह्मानंदी टाळी | तुझ्या पायतळी |
गेली रात्र काळी | तुझ्यामुळे || ६ ||
मनातला भाव | जाणी तूच राव |
त्वरे मज पाव | लंबोदरा || ७ ||
विनंती माऊली | देई बा साऊली |
परत पाऊली | नको धाडू || ८ ||
म्हणे "निशिकांत" | होतो मी अशांत |
येता एकदंत | समाधान || ९ ||
सर्व गणेश भक्तांना गणेशचतुर्थीच्या हार्दिक शुभेच्छा.
निशिकांत देशपांडे. मो.क्र. ९८९०७ ९९०२३
विषय:
Groups audience:
Group content visibility:
Public - accessible to all site users
शेअर करा
वाह!!!अगदी मनातल्या भावनांना
वाह!!!अगदी मनातल्या भावनांना शब्दरूप मिळालं!!!
वाह , सुंदर
वाह , सुंदर
खूप सुंदर...
खूप सुंदर...