समज

समज

कसं बोलायचं कसं वागायचं
कधी कधी समजत नाही
प्रत्येक ओळखीला नात्यामध्ये
कसं तोलायचं समजत नाही

कोण काय बोलतं
हे फक्त कळतं
त्या बोलण्याचा अर्थ मात्र
कधी कधी समजत नाही

कधीतरी कोणीतरी आयुष्यात
खूप काहीतरी देऊन जातं
पण देण्याच्या बदल्यात ते काय घेतं
हेच मुळी समजत नाही

जवळची एखादी व्यक्ती
दिलखुलासपणे बोलतं नाही
पण ती नेमकी काय लपवते
हेही कधी कधी समजत नाही

दुसऱ्याची लागते गरज
अनोळखीपने होते सवय
सवय एकटेपणाची का होत नाही?
हे मात्र कधीकधीच समजत नाही

स्नेहलता