सोडून जात असताना माहेर छकुले
डोळ्यात नको आणूस पाणी ग
सोडून जात असताना माहेर छकुले
डोळ्यात नको आणूस पाणी ग
तुझ्या बोबड्या बोलाची
हृदयात घुमतात गाणी ग
सोडून जात असताना माहेर ठेव ध्यानात ग
घर दूर जात नाही शाळा दूर जात नाही ग
रक्ताची माणसेही दूर जात नाही ग
तुझ्या आठवणी दूर जात नाही ग
तुझे बालपण अजूनही डोळ्यासमोर छान वाटतं ग
तुझ्या आनंदा पुढे सारे काही लहान वाटतय ग
ती शाळा ती पुस्तके पिशवीचे दप्तर
त्यांनच दिल ना गं या जीवनाला उत्तर
असंच जपत जा ग वेडे जपलेलं संस्कारांचं अत्तर
तुझ्या आठवणी हृदयात राहतील ग निरंतर
किती कितीही लांब असलो ना ग वेडे
तुझ्यासाठी बाबा धावत येईल ग
पुन्हा तुला प्रेमानं जवळ घेईल ग
तुझ्या भेटीतच मला सारं काही मिळेल ग
मी म्हणायचो तू आहेस माझी छकुली
माझ्या साठी शेवटपर्यंत छकुलीच राहशील ग
विसरु नकोस बेटा चांगलं काही करायला ग
त्यातच तुझा बाबा भरून पावलं ग
माझी छकुली म्हणून अभिमानाने मिरवलं ग
अभिमानाने मिरवलं ग
_गोपीनाथ जगताप