मी सांग कसे परतावे

Submitted by द्वैत on 7 March, 2020 - 01:08

थकलेल्या देहावरती
निष्पर्ण तरुची छाया
कुठल्या देशीचा वारा वाही
कुठली वेडी माया

शोधात कशाच्या आलो
ह्या सात समुद्रापार
ह्या लख्ख प्रकाशामागे
हा गूढ मूका अंधार

हाताशी वैभव सारे
पण एक व्यथा हृदयाशी
हा जीव कसा रुजवावा
शोभेच्या खिन्न फुलांशी

संवेदन रुधिरामधले
मी सांग कसे मारावे
तोडून शृंखला साऱ्या
मी सांग कसे परतावे

द्वैत

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा