Submitted by द्वैत on 7 March, 2020 - 01:08
थकलेल्या देहावरती
निष्पर्ण तरुची छाया
कुठल्या देशीचा वारा वाही
कुठली वेडी माया
शोधात कशाच्या आलो
ह्या सात समुद्रापार
ह्या लख्ख प्रकाशामागे
हा गूढ मूका अंधार
हाताशी वैभव सारे
पण एक व्यथा हृदयाशी
हा जीव कसा रुजवावा
शोभेच्या खिन्न फुलांशी
संवेदन रुधिरामधले
मी सांग कसे मारावे
तोडून शृंखला साऱ्या
मी सांग कसे परतावे
द्वैत
विषय:
Groups audience:
Group content visibility:
Public - accessible to all site users
शेअर करा
कवितेचा मूड खिन्न आहे पण
कवितेचा मूड खिन्न आहे पण तरीही वापरलेली प्रतिकं आणि तरल शब्दरचना यासाठी आवडली. पुलेशु !
अचुक पण तितकीच हळवी शब्दरचना.
अचुक पण तितकीच हळवी शब्दरचना... सुरेख
धन्यवाद चंद्रा, धन्यवाद
धन्यवाद चंद्रा, धन्यवाद दत्तात्रय जी प्रतिसाद दिल्याबद्दल...