पाठांतरासाठी तुम्ही कोणत्या क्लुप्त्या वापरत होतात?

मराठी प्राथमिक शाळेत दुसरी तिसरी ला असताना आमच्या गुरुजींनी इंद्रधनुष्याचे सात रंग शिकवले होते. त्या रंगांची नावं लक्षात राहण्यासाठी ' तानापिहीनिपाजा' किंवा ' जातानाहीपाणीपाजा' असं लघुरूप सांगितले होते. तानापिहीनिपाजा सहज लक्षात राहू शकते. तांबडा, नारिंगी, पिवळा, हिरवा, निळा, पांढरा आणि जांभळा. हे मेमरीत साठवायला कीवर्ड सोपा सुटसुटीत उपयोगी पडतात.
तसेच कॉलेजमध्ये क्रेब्ज सायकल लक्षात ठेवण्यासाठी एका मित्राने सांगितलेला कीवर्ड अर्थात की वाक्यच होते ते.
ते असे होते " पुनम आली चालत चालत इतक्यात ओमपुरीने कुत्र्याची साखळी सोडली सटकन फटकन मुस्कटात मारली."
पायरुव्हिक अॅसिड पासून सूरु होत वाक्यातील प्रत्येक शब्दाचे पहिलं अक्षर हे त्या त्या स्टेपचं पहिलं अक्षर होते. आता क्रेब्ज सायकल आठवत नाही पण ते वाक्य लक्षात आहे.
असे अनेक मजेशीर लघुरुपं होती पण आठवत नाहीत.
तर मंडळी तुमच्या शालेय जीवनात होती का अशी लघुरुपं? असतील तर शेअर करा. धन्यवाद!