मुलांचे फोटो सोशलसाईटवर प्रसिद्ध करण्यास लागणारी परवानगी

आपण ऑर्कूट काळापासून आजच्या फेसबूक ईण्स्टा काळापर्यण्त मुलांचे फोटो सोशलसाईटवर अपलोड करत आला असाल.

हे करताना आपण साधारण दोन गोष्टी लक्षात घेतो

१) मुलांची सुरक्षितता वा फोटोचा गैर्वापर होऊ नये.
२) मुलांना नजर लागू नये. (श्रद्धा वा अंधश्रद्धा जे काही असेल)

मायबोलीच्या ईतिहासात कोणी आजवर आपल्या मुलांचा फोटो ईथे टाकला आहे का नाही याची कल्पना नाही. (कोणी टाकला आहे का?)
पण आज माझ्या नाचाच्या धाग्यावर काही जणांनी माझ्या मुलांचे फोटो ईथे टाकता येतील का अशी विचारणा केल्यानंतर तिसराच मुद्दा उपस्थित झाला. त्या मुद्द्यावर स्वतंत्र चर्चा व्हावी म्हणून हा धागा.

आधी राजेश यांची पोस्ट जशीच्या तशी देतो
--------
फेस बुक असेल किंवा दुसरे कोणतेही सामाजिक प्लॅटफॉर्म.
तिथे तुम्ही वैयक्तिक सभासद आहात.
तिथे स्वतः व्यतिरिक्त कोणाचे ही फोटो प्रसिद्ध करण्याचं तुम्हाला (म्हणजे सर्वांना ) अधिकार नाही .
अगदी मुलांचे,बायकोचे सुद्धा .
ज्यांचे फोटो तुम्ही अपलोड करत आहात त्यांची अनुमती
ची आवश्यकता आहे.
-----------

आता राजेश यांच्या पोस्टवर मला पडलेले प्रश्न

१) बायकोचा परवानगीशिवय फोटो तर तसेही कोणी पुरुष टाकत नसावा. पण पोरांचे फोटो टाकायला एका पालकाची परवानगी पुरेशी ठरावी का? जर एका पालकालाच आपल्या पोरांचा फोटो शेअर करावासा वाटला तर त्याने प्रत्येकवेळी दुसरयाची परवानगी घेणे गरजेचे का?

२) अगदी लहान मुलांच्या फोटोची परवानगी साहजिकच पालक देणार पण मुलांची स्वत:ची परवानगी कोणत्या वयापासून घेण्यात यावी? कायदेशीर वय काही आहे का? नसल्यास शिष्टाचाराला धरून वगैरे सांगा...

३) माझ्या मायबोली डीपीवर मी ईतके दिवस शाहरूखचा फोटो त्याच्या वा त्याच्या पालकांच्या परवानगीशिवाय लावलेला वा आजही माझ्यासोबत कोलाज करत लावला आहे ते योग्य की अयोग्य? अयोग्य असल्यास कोणालाही आजवर आक्षेप घ्यायचे का सुचले नाही?

याव्यतिरीक्त कोणाला आणखी काही प्रश्न पडल्यास वा वेगळाच मुद्दा वेग्ळाच दृष्टीकोन मांडायचा असल्यास झरूर लिहा.