इथे लिहिणाऱ्यांनी मायबोलीशीच एकनिष्ठ असावे की असू नये?

का बुवा? मायबोली इथंच प्रकाशित करायला जादाचे पैसे देते का?

दोन्ही निर्णय पटण्यायोग्य आहेत
लिखाण एकाच ठिकाणी का:
बहुतांश ठिकाणी कॉमन मेम्बर आहेत.
अनेक ठिकाणी पब्लिश करण्यातला व्याप
अनेक ठिकाणी आपले सदस्य नाव वेगवेगळे असेल तर लोकांना 'तो तिकडे माझाच लेख आहे, ही चोरी नाही' समजवत बसण्याचा व्याप.

लिखाण एकापेक्षा जास्त ठिकाणी का:
वेगळे आऊटलूक मिळणे
काही उपयुक्त विषयावर असल्यास जास्तीत जास्त लोकांपर्यंत पोहचणे
'अमुक एक ठिकाणी मी चांगले लिहिले तरी मुद्दाम मला टार्गेट करतात' असा ग्रह असल्यास दुसऱ्या ठिकाणी लिहून आपल्या लिखाणाबद्दल खऱ्या आणि वेगवेगळ्या प्रतिक्रिया घेऊन पडताळता येणे.

सध्या पेपरात विशेषतः परदेशी बातम्या मी 2 अगदी वेगळ्या पेपरमध्ये जवळ जवळ समान मजकुराच्या वाचते.बातम्यांत पण सध्या 'रिटन इन हाऊस' आणि 'आऊटसोर्सड/बॉट रेडिमेड' असे प्रकार असावेत.लोकसत्ता आणि सामना आणि सकाळ तिन्ही वरचे थोडे खालचे पान वाचल्यास मी काय म्हणते लक्षात येईल.
(मी एकदम सिरीयसली लिहिलंय.लेख फक्त मजेत लिहिला असल्यास माफी)

हे प्रसिद्धी युग आहे. किती जास्त प्रसिद्धी मिळवता येईल ते लोक बघतात. लोक काय काय प्रकार करतात प्रसिद्धी मिळवायला.
कुणी सिलिंग फॅन हा फाशीचा फ़ंदा आहे, त्यावर बंदी आणा म्हणुन टाहो फोडतात, कुणी चंद्रयानाची कुंडली मांडुन विक्रमशी सम्पर्क का तुटला आणि तो केव्हा होईल याचे व्हिडीओ बनवून पसरवतात.

तेव्हा स्वतःचेच लिखाण चार ठिकाणी प्रसिद्ध केलं तर काय हरकत आहे?

तुम्हाला इतर ठिकाणी कोणी पैसे देत असेल असं वाटत नाही.
>>
मी जे करतो त्याचे मला बक्कळ पैसे मिळतात.

बरेचदा स्वतःचे लिखाण भारीच वाटत असावे ब्वॉ. अनलेस- अतिशय बाराखडी गिरवलेलं पहीलं पहीलं लिखाण. मग आपलं थोडं कुरुप मूल (जे आपल्या लक्षात येत नाही व आपल्याला गोंडसच वाटतं) ते १० ठिकाणी मिरवलं जातं.
प्रतिसादांना डोपमाइन व्हॅल्यु असतेच की. ताकाला जाउन भांडं कशाला लपवा? (The brain includes several distinct dopamine pathways, one of which plays a major role in the motivational component of reward-motivated behavior.)
____________
पण ..... हेही खरं आहे की माबोववर ललित लेख व कवितादेखील, ही आवडीने वाचले जातात.सगळीकडे तसं वॉर्म वेलकम होत नाही.

तुमच्या या लेखाचा जबरा इफेक्ट होऊन एकनिष्ठा वाढवायला शब्देविण संवादु चे 6 लेख एकाच संकेतस्थळावर आले आहेत.

अनु

एकनिष्ठ??? म्हणजे नक्की काय म्हणायचे आहे?
फेबूवर टाकायचे नाही, ब्लॉग वर टाकायचे नाही, मिपावर टाकायचे नाही फक्त माबोवर टाकायचे लिखाण? याने एकनिष्ठता सिद्ध होते???
फेबू वर असाल तर ट्विटर वर लिहून तुम्ही फेबूशी गद्दारी केलीत, असे म्हणण्यासारखे आहे आहे हे.
आणि मुळात सोशल साईटशी एकनिष्ठ राहण्याची गरज असते का? ती केवळ प्रसारमाध्यमे असतात.
राहायचेच असेल तर आपल्या साहित्याशी, आपल्या मताशी एकनिष्ठ राहावे.

@मधुरा>> अगदी सहमत.

एकनिष्ठ पेक्षा नॉन रिपीटेशन या दृष्टीने बघता येईल.
अर्थात मग याने त्याच ठिकाणी का पब्लिश करायचे, अमक्या ठिकाणावर मी कधीच पब्लिश नाही करायचे का,आता इथे पब्लिश करणारे काय दर्जाचे असे जटिल प्रश्न प्रत्येकाच्या दृष्टिकोनातून येतील.
त्यापेक्षा सध्या चालू आहे हे चांगलं आहे.

तुमच्या या लेखाचा जबरा इफेक्ट होऊन एकनिष्ठा वाढवायला शब्देविण संवादु चे 6 लेख एकाच संकेतस्थळावर आले आहेत. >

मला तरी "एकनिष्ठ" राहण्याची काही गरज वाटत नाही... आणि माबोच्या मालकांनी आणि वाचकांनीही अशी अपेक्षा कधीच व्यक्त केलेली नाहीये...

पण ओळखणार कसे की तोच सेम ऑडियंस आहे दोन्हीकडे? अनेकदा आयडीही सेम मिळत नाहीत. कारण माझ्या एका ओळखीच्या व्यक्तीने प्रतिलिपीचा उल्लेख अनेकदा केला. पण त्याला माबो माहिती नव्हती, मिपाही माहिती नव्हते.

चांगले लक्षवेधी लेखन पेप्रात/पुस्तकात/ट्विटरवर केले जाते. तिकडे कुठूनकुठून नोंद घेतली जाते. बाकी हा सारा टैमपास आहे. बाकी एकनिष्ठ म्हणजे काय? प्रसिद्ध लेखकसुद्धा प्रकाशक बदलतात.

आपली मायबोली मराठी, ट्विटरवर फेसबुकवर इंस्टा वर सगळीकडे मायबोलीशी एकनिष्ठ असावे

आव, परसिद्धीला हापापलेले लोग ना, काय बी करु शकतात राव

आता ह्या धाग्याच घ्या की... ज्येन्ना तुमी अमर ९९९, स्वप्निल ७७७ म्ह्णुन आवडीत नव्ता, त्ये बी ईकड याव लागले , तुमचेशी गप्पा मारु र्हायले ना

आता मी काय म्हणतो, जवा त्येन्ना काई पराब्लेम न्हाय त, तुमी तुमच्या त्या कथा पुर्या करुन सोडा की राव, म्हण्जी कस तुमची बी तुमच्या लिखाणाशी एकनीष्ठता सिद होइईल हाकानाका

बाकी तुमी परत आला की मले ल्लई झाक वाट्ट बगा

अरे बापरे, आव तुमी सोदुन दिले म्हणता , मंग मजा कशी यील , आयडी संपले की काय व

मला त ब्बा आवडायच तुमी, मस्त मानुस एकदम

सतिशकुमार म्हणजे पण तुंम्हीच का? कारण तुमच्याप्रमाणेच भारंभार धागे येत आहेत त्या आयडीचे..