प्रकाशचित्रांचा झब्बू १ - जुने ते सोने

राईट बंधूंचे विमान..... डेटन एअरफोर्स म्युझिअम

विमान कडक !

चला, मी पण तुम्हाला १८९० मधील एक अलंकार दाखवतो. फोटोतील मंगळसूत्रातील फक्त 'पोवळे' त्या शतकातले आहे.

राईट बंधूंचे विमान >>> भारीच.

१८९० मधील पोवळे, फार छान. परंपरागत एका पिढीकडून दुसऱ्या, तिसऱ्या, चौथ्या अशा पिढीकडे आलेले दिसतायेत पोवळी.

क्या बात, विमान लै भारी. पोवळे सुंदर

मस्तच सगळे फोटो☺️

माझ्या पप्पांना पण खुप हौस आहे जुनी नाणी जमवायची, फार नाही पण जुने तांब्या पितळीची नाणी , मोठे पाच रुपयांची नाणी, लक्ष्मी चा फोटो असलेली जुनी नाणी, काही शिवकालीन नाणी आहेत त्यांच्याकडे.

डॉक्टर, तुमचे HMT चे घड्याळ बघून विशेष आंनद झाला, कारण माझ्याकडे पण एक आहे, माझ्या मम्मीचे. चावीचे, किमान ३० वर्षे जुने, अन अजूनही व्यवस्थित काम करणारे☺️ माझी ४थी ची स्कॉलर्शीप ची परीक्षा होती, तेव्हा तिचे ते घड्याळ मी घेतले होते अन तेव्हापासून आजतागायत मी ते वापरतीये. आता माझ्याकडे ७ मनगटी घड्याळे आहेत, तरी हे घड्याळ टिकविण्यासाठी मी आठवड्यातून एकदा तरी हे घड्याळ घालतेच, कारण वापर थांबला तर ते बंद पडेल ही मनातील भीती.

हा त्याचा फोटो, अन हो मुख्य म्हणजे इतक्या वर्षात फक्त तीनदा सर्व्हिसिंग केलीये त्याची , बास.

एक चित्र - प्रवास तीन पिढ्यांचा

सर्वात जुने फार क्युट आहे.

VB मस्तच.

VB,

तुमचे hmt पण लैभारी, कारण किल्लीचे !
माझ्या hmt बद्दल थोडे. डॉक्टरीची परीक्षा पास होऊन इंटर्नशिप करू लागलो होतो. तेव्हा माझ्या पहिल्या विद्यावेतनातून मी ते घेतले आहे. त्यामुळे कायम जवळ राहणार. आता battery काढून ठेवली आहे. तसेच मनगटी घड्याळ फक्त प्रवासात वापरतो, बाकी नाहीच.
अनिन्द्य,
आवडला पिढ्यांचा प्रवास, मस्तच !

मस्त फोटोज सर्वांचेच

मस्त आहे धागा. छान फोटो सगळे.

(माझ्या जुन्या फोटो अल्बम मधून )

अमित, मस्त माहिती आणि फोटो.

प्रिन्सेस डायरीज मध्ये तीच केबल कार आहे का?

काय मस्त फोटो येतायत एकेक!

प्रवास तीन पिढ्यांचा आवडला.... लहानपणच्या प्रवासात ती मिल्टनची मोठ्ठी वॉटरबॅग किंवा कूलकेज हमखास असायचे!

व्हॉल्वचा रेडिओपण मस्त.... आमच्याकडेही असाच एक होता.... त्याची तार बाहेर काढून खिडकितुन बाहेर सोडायला लागायची ॲंटिना म्हणून!

स्वरुप,

बरोबर ! व्हाल्वच्या रेडीओच्या काळात ही असायची. पावसाळ्यात रेडीओ-प्रसारण नीट ऐकू येत नसे. मग रेडीओपासून एक धातूची तार जोडून पुढे ती गच्चीवर नेली जाई. तिथे त्याला जाळीसारखे काहीतरी जोडलेले असे. कधी वादळ व जोराच्या पावसात तेही तुटून जाई. मग ते दुरुस्त करत बसा.

पुढे ट्रांझिस्टर आल्यावर त्याचीच अंगभूत एरिअल आली आणि हे सगळे प्रकार संपले.

फोनचा एक काळ असा होता....
घरोघरी BSNLबी एस एन एल landline. नंबर लावून मिळवाया लागे . आणि मग फोन नंबर शोधायला हा भला मोठा ठोकळा :

..... हा माझ्याकडचा शेवटला !

साद,
फोन बुक सही ! एके काळी त्याला डिरेक्टरी म्हणायचे. दर वर्षी ती प्रसिद्ध झाली की मग अशी बातमी यायची. यंदाच्या बुकात जोशी / पाटील / कुलकर्णी / शहा ..इ. सर्वात जास्त आहेत !
ती आणायला जुनी घेऊन फोन भवनात जायचे अन मग बदलून नवी घ्यायची.

....एखाद्याकडे डिरेक्टरी नसेल तर मग १९७ ला फोन करून नंबर विचारावा लागे. त्यासाठी “आपण रांगेत आहात”.... वगैरे .

सगळे प्रचि छान आहेत!

कुमार, विपु बघाल का कृपया

किल्ली, धन्यवाद.
..........................
आता हे सांगा कोणाकडे आहे अजून !

वॉकमन नाहीये आता पण कॅसेट्स खंडीभर आहेत माझ्याकडे!
पिक्चरच्या/इंडीपॉप अल्बम वगैरे आहेतच पण अगदी इनले कार्डवर सुबक अक्षरात गाण्याची नावे लिहलेल्या आणि रेकॉर्ड करुन आणलेल्या पण आहेत!

माझ्यापाशी वॉकमन आहे आणि खंडीभर कॅसेट देखिल आणि कधी इच्छा झाली की वापरतो देखिल!
पण सध्या सगळा स्टॉक कॅसेटचा पुण्यात पडलायं!

वॉकमन नाहीये आता पण कॅसेट्स खंडीभर आहेत माझ्याकडे!
पिक्चरच्या/इंडीपॉप अल्बम वगैरे आहेतच पण अगदी इनले कार्डवर सुबक अक्षरात गाण्याची नावे लिहलेल्या आणि रेकॉर्ड करुन आणलेल्या पण आहेत! +१११
माझ्याकडे पण आहेत

माझ्याकडे पण वॉकमन नाहीये ; वर फोटोसाठी फक्त जुने खोके सापडले ! त्यात काही सीडीज कोंबून ठेवल्या आहेत !
क्यासेटी थोड्या आहेत, मधूनमधून काही टाकून देतो.

हा आमच्या कडचा दिवा साधारण शंभर हून अधिक वर्ष जुना असेल. विजेचे दिवे नव्हते तेव्हा रोजच वापर होत असे ह्याचा. आता मात्र रिटायर झालाय. एखाद दुसरा कंदील अजून ही सेवेत आहे.
Ditmar कम्पनी खूप प्रसिद्ध आहे. आता हे दिवे दुर्मिळ आणि विंटेज झाल्याने खूप च महाग झाले आहेत.

>

१०० वर्षे वयाची माझ्या आजीची पेटी .सध्या तिचा पेटारा झालाय.

दिवा आणि पेटारा.... दोन्ही मस्त!

जुनी डेक्कन क्वीन! एका झटक्यात नॉस्टॅल्जिक करणारा हा फोटो. गाडी अजूनही आहे पण हे जुने इंजिन आता वापरत नाहीत. हे डीसी ट्रॅक्शन वाले होते व बरीच वर्षे वापरात होते. आता मुंबई-पुणे ट्रॅक सुद्धा एसी ट्रॅक्शन वाला झाल्याने ही वापरता येत नाहीत. ही बहुधा आता म्युझियम्स मधे आहेत.

या चित्रातले इंजिन हे भारतीय बनावटीचे होते व अत्यंत यशस्वी समजले गेले. डेक्कन करता जे वापरत त्याचे नाव "लोकमान्य" होते. "साधारण अशीच" दिसणारी अनेक इंजिने तेव्हा असत. त्यातली बाकी बरीचशी आणखी जुनी व इंग्लंडहून आयात केलेली होती. ढोबळ पणे बघितले तर सगळी सारखीच दिसतात पण नीट लक्ष दिले तर किमान ५ वेगवेगळी मॉडेल्स आहेत हे लक्षात येते. 'कभी हाँ कभी ना' मधल्या या गाण्यात यातली ४-५ वेगवेगळी इंजिने दिसतात. पावसाळ्यात कसारा घाटातील हिरव्यागार बॅकग्राउण्ड वर सुंदर सीन्स आहेत रेल्वेचे. अर्थात हे गाणे गोव्यात आहे आणि या क्लिप्सचा गोव्याशी काहीच संबंध नाही हा विनोद सोडला तर या क्लिप्स सुंदर आहेत.

एका झटक्यात नॉस्टॅल्जिक करणारा हा फोटो >> एकदम! बघत बसलोय गेले २ मिनिटं.

सही आहेत सर्वच, एकसे बढकर एक.

टाईम्स ऑफ इंडियाच्या १५० वर्षपूर्ती निमित्त त्यांनी काढलेली विशेष आवृती : एक झलक

(चित्रसौजन्य : श्री. सुधीर कांदळकर )

हा माझ्या सासऱ्यांनी घेतलेला आणि नवऱ्याने जपून ठेवलेला फिलिप्सचा रेकॉर्डप्लेअर!

रेकॉर्ड्सच्या संग्रहातील काही-

आणि ही जैत रे जैत ची रेकॉर्ड! जैत रे जैतच्याच निमित्ताने झालेल्या कार्यक्रमात त्यावर हृदयनाथ मंगेशकर, जब्बार पटेल, चंद्रकांत काळे, ना. धों. महानोर, रवींद्र साठे आणि मोहन आगाशेंच्या सह्या मिळवता आल्या.