द्वारका

Submitted by Shrinivas D Kulkarni on 28 August, 2019 - 05:27

द्वारका

नसोत अंधाराचे मिणमिणते सांजदिवे हे
नकोत करपवणारी आठवांची संध्याछाया
घनगर्द क्रुष्णमेघांची नकोच दाट ही वस्ती
अशी द्वारका माझी स्वप्नांची कोवळी नाती

नात्यांना अर्थ देणारी ही गूढरम्य स्तोत्रे
गुणगुणता काहि ओळी थरथरती ओली गात्रे
नवलाख दिव्यांनी होई नित्य जिथे आरती
अशी द्वारका माझी स्वप्नांची कोवळी नाती

नवा व्यासहि स्तब्ध ,असे काव्य जेथे
बालांच्या ओठि गीता क्रुष्णास पडे साकडे
कर्त्याच्या मोक्षासाठी कर्माची नच आहुती
अशी द्वारका माझी स्वप्नांची कोवळी नाती

राणा मी या नगरीचा मी काळ कालयवनाचा
जरा न बाधे मजला , आनंदाचे भवती वेढे
राधेस शोधता न आली रुक्मिणीस नच माहिती
अशी द्वारका माझी स्वप्नांची कोवळी नाती

श्रीकुल
श्रीक्रुष्ण जयंती
23/8/2019

Group content visibility: 
Use group defaults