स्वातंत्र्य दिनाचे औचित्त्य साधून एक रचना पेश करत आहे.
जोखड सुटले मानेवरचे
नवीन आला काळ असे
स्वातंत्र्याची पहाट झाली
भारतमाता मंद हसे
स्वातंत्र्याचे पाईक आम्ही
खूप झगडलो फिरंग्यासवे
संग्रामी स्वतःस झोकले
रक्त सांडले तिरंग्यासवे
खडतर सेवा फळास आली
चोहिकडे आनंद दिसे
स्वातंत्र्याची पहाट झाली
भारतमाता मंद हसे
स्वतंत्र क्षितिजा आज पाहण्या
पक्षी उडती स्वैर नभी
स्वप्न पाहिले सदैव जियेचे
स्वातंत्र्य देवता मूर्त उभी
गर्वे फुलल्या सागर लहरी
भारतवर्ष बुलंद दिसे
स्वातंत्र्याची पहाट झाली
भारतमाता मंद हसे
द्विशतकाची काळी रजनी
लोप पावली तेज पसरले
ध्वज तिरंगा ऊंच पाहुनी
आयुष्याचे दु:ख विसरले
गुलाम असता मनात आमुच्या
धगधगता आक्रोश असे
स्वातंत्र्याची पहाट झाली
भारतमाता मंद हसे
स्वातंत्र्याची मशाल देतो
तरुणांनो ती ऊंच धरा
सुखदु:खाच्या वेळी आमच्या
बलिदानाचे स्मरण करा
वरून पाहिन राष्ट्रभक्तिने
जगता होउन धुंद कसे?
स्वातंत्र्याची पहाट झाली
भारतमाता मंद हसे
माझी ही रचना श्री मितेश वाळुंज यांनी वाचून यू ट्यूबवर पोस्ट केली आहे. व्हिडियोमधे जुनी छायाचित्रे टाकली आहे. खूप छान वाटते ही बघताना. पहायची असल्यास खालील लिंकवर क्लिक करावे. https://youtu.be/ddZR-OTqqO8
निशिकांत देशपांडे. मो. क्र. ९८९०७ ९९०२३
खूप छान!! व्हिडिओ नंतर बघेन.
खूप छान!! व्हिडिओ नंतर बघेन.
कविता आणि व्हिडीओ दोन्ही आवडल
कविता आणि व्हिडीओ दोन्ही आवडल.
दोन्ही खूप छान
दोन्ही खूप छान
डॉ राजू, मन्या, नीत्सुश,
डॉ राजू, मन्या, नीत्सुश, मनापासून आभार सर्वांचे प्रतिसादासाठी.
व्हिडीओ आणि कविता आणि
व्हिडीओ आणि कविता आणि दोन्ही आवडले
जय हिंद!!
जय हिंद!!
सर्वांचे मनापासून आभार
सर्वांचे मनापासून आभार प्रतिसादासाठी.