जंगल तयार करायची मियावाकी पद्धत

झाडे लावण्याची कोणतीही पद्धत असू द्यात त्याला जास्त किंमत देण्याची गरज नाही .
काही गोष्टी महत्त्वाच्या आहे ज्या परिसरात झाडे लावणार आहोत झाड सुधा त्याच परिसरातील असावे .
अमेरिकी चे झाड भारतात नको आणि भारतातील अमेरिकेत नको .
नैसर्गिक रित्या उत्क्रांत झालेलं च झाड लावणे
कलम नको आणि हायब्रीड पण नको.
स्वतः झाड लावावे ते वाढवावे आणि नंतर निसर्ग कसा धोक्यात आहे ह्या वर बोलबच्चन द्यावे .
वांझोटी निसर्ग प्रेम दाखवायची गरज नाही

कुंपण म्हणून घाणेरीची झाडे उपयोगात येतील का ????

जमीन तर नाहीये .. ... पण श्रम करायला आवडेल.

Ecological society is taking up restoration project at panshet and looking for volunteers. This would be a good experience.
They have a meeting in society office on 17th June 6:30 pm at society's office. Please do join if interested in working.

B-2, Jayanti Apartments, Senapati Bapat Road, Near Ratna Hospital, Pune, Maharashtra 411016
Contact # 99105 30519

हर्पेन, ही आमच्या इथे गेल्या वर्षी लावलेली आणि पहिल्या हिवाळ्यातून तगलेली मियावाकी पद्धतीने लावलेली झाडे. जमिनीची धूप होवू नये म्हणून तिथे असलेले गवत आणि क्लोवर तसेच ठेवलेय. ही झाडे ४' अंतरावर लावलेत आणि दोन ओळीतील अंतर साधारण ६' आहे. इथे नेहमीच्या पद्धतीने झाडे लावताना हे अंतर साधारण २०' किंवा जास्त असते. रस्त्याच्या कडेला असलेली मोठी झाडे अशीच नेहमीच्या पद्धतीने लावलेली आहेत.

काल सहज गंमत म्हणून काही वीडियो बघत होते तर त्यात जंगल निर्मिती बद्दल खुपच रोचक माहिती मिळाली. कदाचित इकडे उपयोग होईल म्हणून लिंक नमूद करते.
https://youtu.be/7kHZ0a_6TxY
आणि हां अजुन एक..
https://youtu.be/Un2yBgIAxYs

विचार करण्यासारखा व्हिडीओ आहे. आणि त्यातले जंगल किती मस्त आहे.

झाडाझुडपांचे प्रयोग आणि अनुमान लगेच निघत नाहीत, तीस वर्षांनी त्यातला फोलपणा लक्षात येतो.
नगरपालिका कुणाचे मत घेऊन ती झाडे लावतात रस्त्याकडे मग कुणाचे विरुद्ध मत येते. पण वेळ गेलेली असते.
----
कुंपणाचा खर्च एकदम परवडत नसेल तर तात्पुरती हद्द आखली जाते. नंतर एकेक भाग काढून तार/भिंत बांधावी.

हरपेन, तुम्ही चांगला उपक्रम राबवत आहात, तुम्हाला शुभेच्छा. मियावाकी पद्धत नवीन असल्यामुळे त्याचे फायदे तोटे काय आहेत येवढ्यात कळणार नाही पण त्या निमित्ताने लोक झाडे लावत असतील तर त्याचे स्वागत करायला हवे.

तुम्हाला परत एकदा मनापासून शुभेच्छा!!

प्रश्न:
कृपया मार्गदर्शन करावे की कोणती झाडे / वृक्ष आहेत जी भरभर वाढतात आणि ज्यांना फार देखभालीची
नंतर गरज पडत नाही?

सर्वसाधारणपणे सहज उपलब्ध होणाऱ्या आणि भरपूर प्रमाणात प्रसार करता येऊ शकणाऱ्या बिया जर suggest केले तर अति उत्तम.

पावसाळ्यात थोडीफार तरी जमीन सुजलाम-सुफलाम करण्याचा संकल्प आहे.

तुम्हीही स्वतः प्रयत्न करून शुभ कार्यात सामील व्हा.

हे कुणा दुसऱ्यासाठी नव्हे आणि social media वर सेल्फी साठी तर अजिबात नव्हे.

Shirish ghetana savdhan.
Ek khara Shirish ani gulabi fulancha khota Shirish (non native)
Same with many trees including Ashok

Hoy..barobar ahe.

सॉलिड माहितीपूर्ण लिंक्स बद्दल अनेक धन्यवाद हर्पेन.

@हर्पेनकाका
तुम्ही दिलेल्या लिंक्समधुन खुपसारी नवीन माहिती मिळाली.

तुम्ही करत असणार्या वैयक्तिक उपक्रमात सहभागी व्हायला आवडेल. मदतीची गरज पडल्यास नक्की कळवा.

हर्पेन, उपक्रमाकरता मनापासून शुभेच्छा!

नानबा, सावधान कशासाठी? non native झाडांच्या रोपणाचे काही तोटे असतील तर कृपया माहिती द्या.

आम्ही डोंगरावर वृक्षलागवड सुरु करायच्या अगोदर वनखात्याच्या अधिकाऱ्याबरोबर बोललो होतो. त्याने अगोदर सुबाभूळ आणि निलगिरी ही झाडे काढायला सांगितली होती. आणि गम्मत म्हणजे आम्ही आठवी नववीला असताना आम्हीच ही झाडे शाळेने सांगितली म्हणून लावली आहेत.

तसेच सप्टेंबर-ऑक्टोंबर मधे जी घाटात, रस्त्याच्या कडेला सोनकी सारखी पिवळी फुले दिसतात ती मुळ आपल्याकडील नसुन त्यांनी चराईच्या गवतावर परिणामी किटकांच्या जीवन चक्रावर बराच परिणाम केला आहे असं ऐकिवात आले होते. कॉन्ग्रेस गवतासारखे त्यांचेही निर्मुलन लवकर होत नाही.

हर्पेन जरा अवांतर....
आत्ता शांकदांबरोबर बोलत होतो तेंव्हा विषय निघाला की प्रत्येकाच्या पत्रिकेत जशा अनेक गोष्टी असतात तसे आराध्यवृक्ष असाही प्रकार असतो. मी पत्रिका मानत नाही तरी आईला विचारले तर तिने माझा आराध्यवृक्ष आंबा असल्याचे सांगीतले. आणि कोरफडही. तेंव्हा माझ्या मनात पहिला विचार हा आला की डोळसपणे जे वृक्षलागवड करत आहेत त्यांचे कौतुकच आहे पण ही चळवळ अजुन प्रसारीत करण्यासाठी जर या पत्रिकेतल्या आराध्यवृक्षाची मदत घेतली तर? पत्रिकेत आहे म्हणून लोक काहीही करता. लाखाचा हिरा घालतात, दान करतात, कुठले कुठले खर्चिक विधी करतात. मग त्यांना समस्येवर उपार म्हणून विधिंबरोबरच पत्रिकेतला आराध्यवृक्ष जोपासायला सांगणारा कुणी भेटला तर हे लोक त्यासाठी जंगलच जंगल जोपासतील. नको म्हटले तरी कुणी ऐकणार नाही. ही आपली शशांकदांबरोबर बोलताना मनात आलेली कल्पना आहे फक्त. होऊही शकेल असं. पत्रिकेवर विश्वास असलेल्या लोकांचे काही सांगता येत नाही हो. निसर्गाचे संवर्धन झाल्याशी मतलब
(आता जरा अंधश्रध्देला हातभार लावल्यासारखे होईल पण आजची जंगलांची परिस्थिती पहाता चालून जाईन तेवढे.)

छान उपक्रम हर्पेन! मनापासून शुभेच्छा!

शाली,
आराध्यवृक्ष नको. जे काही संवर्धन होईल ते हळू हळू झाले तरी चालेल पण ते समजून उमजून डोळसपणे व्हावे. नाहीतर पुन्हा मोजकेच वृक्ष आराध्य म्हणून बाकीचे निशिद्ध असेही व्हायचे.

गजानन,
परके झाड हे त्या भागातील पर्यावरणाचा परंपरेने भाग नसल्याने, जैविक साखळीत त्याचा फारसा उपयोग नसतो. झाडे ही त्या परीसरातील किटक, पशू-पक्षी, माणसे या सगळ्यांच्याच जगण्यात महत्वाची भूमिका बजावतात. जीवो जीवस्‍य जीवनम्‌ या नियमाने चालणारी अन्नाची साखळी सुरु रहाण्यासाठी स्थानिक झाड आवश्यक. स्थानिक झाड एकदा नीट रुजले की त्याची फार काळजी घ्यावी लागत नाही. त्यांच्या गरजा स्थानिक पर्यावरणाशी सुसंगत असल्याने फारशी काळजी न घेताही स्थानिक पर्यावरणात ही झाडे दीर्घजीवीही असतात. त्यांचे जीवनचक्र स्थानिक ऋतूंशी सुसंगत असल्याने योग्य काळात नवी पालवी, फुले, फळे, पानगळ होते. योग्य काळात त्यांची पाने, फळे, फुलांमधील मध वगैरे मधून इतर जीवांना अन्न मिळते. रहाण्यासाठी, प्रजननासाठी निवारा उपलब्ध होतो.
परके झाड कितीही मोहक वाटले तरी स्थानिक पर्यावरणाशी ते सुसंगत नाही . स्थानिक 'अ' झाडावर वाढणारे किटक परक्या 'ब' झाडावर वाढत नाहीत, पर्यायाने पक्षांच्या अन्न साखळीचा प्रश्न उद्भवतो. हे असे सगळ्याच बाबतीत होते. त्याशिवाय स्थानिक वनस्पती एकत्र वाढताना एकमेकांना पुरक अशी देवाणघेवाण होत असते. एका स्थानिक झाडावरचे परोपकारी किटक, पक्षी दुसर्‍या स्थानिक झाडावरील त्रासदायक किटकांना खातात आणि जीवनचक्र सुरळीत रहाते. परके झाड लावले तर हे घडत नाही. त्यामुळे जाणीवपूर्वक स्थानिक झाडाचीच निवड करावी.

धन्यवाद स्वाती! तुम्ही म्हणताय ती शक्यता लक्षातच आली नाही. ती वेगळीच समस्या निर्माण व्हायची.

नाहीतर पुन्हा मोजकेच वृक्ष आराध्य म्हणून बाकीचे निशिद्ध असेही व्हायचे.>>>>

ही मुळ नक्षत्रवनाची संकल्पना आहे. त्यात प्रत्येक नक्षत्राचे एक झाड आहे आणि अशी 27 झाडे आहेत. प्रत्येकाने आपण कुठल्या नक्षत्रावर जन्मलो हे पाहून त्याप्रमाणे झाडाची जोपासना करायची ही कल्पना आहे. या 27 झाडांमधली बहुसंख्य झाडे आपली नेहमीची आंबा, वड,पिंपळ, जांभूळ, शमी, खैर वगैरे उपयोगी झाडे आहेत. खूप ठिकाणी नक्षत्रवने तयार केलेली आहेत.

जर या पत्रिकेतल्या आराध्यवृक्षाची मदत घेतली तर? ----

http://www.vedicvanas.com/nakshatravana.html

नक्षत्र वनांच्या झाडांची यादी खूपच सुंदर आहे. उपयोगीही.

शालीच्या आयडीयास अनुमोदन.
बाकीच्यांचे एक्सपर्ट ओपिनियन ही लय भारी.

इकोसिस्टीम मध्ये मधमाश्यांची भूमिका सर्वांत महत्त्वाची (परागीभवन).

तेंव्हा कृपया असे काहीही आपण होऊ देऊ नये ज्यामुळे त्यांसी त्रास होईल.

जसे की काही नतद्रष्ट फांदी कापून टाकतात जर मधमाशांनी पोळं बनवायला सुरवात केली तर.