संगणक या विषयावर रचना असल्यामुळे कांही इंग्रजी शब्द अपरिहार्यपणे आले आहेत.
पोरांसोरांकडून शिकलो
नाळ जोडण्या नव्या युगाशी
दशांगुले आकाश राहिले
मैत्री होता संगणकाशी
फोन जाहला स्मार्ट अताशा
टॅबलेट अन् किंडल आले
व्हाट्सअॅपच्या भडिमाराने
दिवस केवढे लहान झाले !
चोविस घंटे वाचन, ज्याचे
नाते नसते बुध्द्यांकाशी
दशांगुले आकाश राहिले
मैत्री होता संगणकाशी
विवाहिता जाताना गावी
नसे डोरले तरी चालते
प्रश्न भयानक, चार्जर विसरुन
जाते तेंव्हा विश्व थांबते
कशास यात्रा? स्क्रीन दावतो
उत्तर काशी, दक्षिण काशी
दशांगुले आकाश राहिले
मैत्री होता संगणकाशी
अडचण इतकी, पाप न येते
डाउनलोड कुठे करण्याला
करून कॉपी, पेस्ट, दुज्यांचे
पुण्य न जमते लुटावयाला
जीवन जिथले तिथेच असते
ड्रॅग न होता खंत मनाशी
दशांगुले आकाश राहिले
मैत्री होता संगणकाशी
फोल्डर तुझिया आठवणींचे
पासवर्ड लाऊन ठेवले
सहवासाचा असा व्हयरस !
वेळअवेळी मला त्रासले
मनोवेदानांचे फॉर्मॅटिंग
करूनही नाते दु:खाशी
दशांगुले आकाश राहिले
मैत्री होता संगणकाशी
तुझ्या नि माझ्या सुखदु:खांची
एकच कॉमन लिंक असावी
एका क्लिकच्या अंतरावरी
अपुली स्वप्ने स्पष्ट दिसावी
सर्च गुगलवर हवी कशाला?
यूट्यूबविना जुळू सुरांशी
दशांगुले आकाश राहिले
मैत्री होता संगणकाशी
निशिकांत देशपांडे. मो.क्र. ९८९०७ ९९०२३
छान ! आवडली.
छान ! आवडली.
आवडली..पु.ले.शु!
आवडली..पु.ले.शु!
फारच छान!
फारच छान!
खरंच छान! आवडली...
खरंच छान! आवडली...
साद, मन्या, प्रांजली आणि पद्म
साद, मन्या, प्रांजली आणि पद्म आभार आपणा सर्वांचे प्रतिसादासाठी.
मस्त
मस्त
छान !!
छान !!
<<<
विवाहिता जाताना गावी
नसे डोरले तरी चालते
प्रश्न भयानक, चार्जर विसरुन
जाते तेंव्हा विश्व थांबते
>>>
सध्याची परिस्थिती. घरी कुणी पाहुणे आले की सर्वप्रथम चार्जर देणे आणि वाय-फायचा पासवर्ड सांगणे एकदम आवश्यक झाले आहे.