रोज वळताना दिसत रहाते
ती पडायला आलेली बिल्डींग..
कोप-यावर शांतपणे उभी असलेली..
भेगाळलेल्या राखाडी भिंतीवर पडलेल्या चिरा
मनात ठेवून पाहत असते ती
समोरच्या धावत्या जगाकडे
सुनसान पार्कींग लॉट आठवत बसतो
तो पहिला दिवस..ताज्या रंगाचा वास..
नवीन को-या गाड्या आणि न उघडलेले बॉक्सेस..
नंतर दररोज होणारी गाड्यांची वर्दळ
आणि सामानाच्या पिशव्या..
घुमणारे बोल आणि कधीकाळी रंगलेला गप्पांचा अड्डा..
चोरून आणलेल्या बाटल्यांसोबत...
कठडा पडलेल्या अव्यक्त पाय-यांना आठवत असतात
वर खाली धावत जाणारी पावले..
सणांच्या दिवशी नटलेल्या मुली..
आणि रेशमी पदराचे पाय-यांना हळून झालेले स्पर्श
पावसात एखादी चुकून पाहिलेली मिठी
आणि उघड्या खिडक्यांमधून सताड शिरणारा समुद्रावरचा वारा
आजही त्या फ्लॅट्स च्या खिडक्या उघड्या आहेत सताड
आजही शिरतोय वारा भसकन
उडवून जातो कट्ट्यावर, भिंतींवर, रिकाम्या कपाटावर
आणि जुन्या कॅलेंडर वर बसलेली धूळ..
खिडक्या पाहत राहतात बाहेर
एप्रिल ची वाट बघत ..
जेव्हां फुलतो तो एक लांबवर असलेला सोनसळी बहावा
आणि त्यानंतर दोन दिवसांनी येते ती तारीख
बिल्डींगच्या ओपनिंग ची...
-रसिका
विदारक सत्य मात्र प्रामाणिक
विदारक सत्य मात्र प्रामाणिक ,कौतुकास्पद कल्पकता.
इमारतीचे चित्रच काढलेय जणू!
इमारतीचे चित्रच काढलेय जणू!
शेवटच्या दोन ओळी नाही समजल्या.
इमारतीचे चित्रच काढलेय जणू!
.
खरंच छान लिहिलंय. अगदी
खरंच छान लिहिलंय. अगदी कळकळीने, मनापासुन.
पण कविते ऐवजी लघुलेख छान झाला असता असं वाटतं.
जमलच तर Same topic वरती एक लेख लिहा....तो ही वाचायला नक्कीच आवडेल.
छान आहे कविता...
छान आहे कविता...
ईमारतीचे वर्णन सुंदर केलंय.
इमारतीचे वर्णन सुंदर केलंय..पु.ले.शु!
खूप धन्यवाद..पहिलाच प्रयत्न
खूप धन्यवाद..पहिलाच प्रयत्न आहे...
छान वर्णन.
छान वर्णन.
पण शेवटी नाही कळला. जुनी पडायला आलेली बिंल्डिंग आणि ओपनिंगची तारीख?
कवितेच्या शेवटी दिलेली
कवितेच्या शेवटी दिलेली ओपनिंगची तारिख हि आठवण आहे का?
खूप सुंदर!
खूप सुंदर!
पुण्यात मेहेंदळे गॅरेजवरून कलमाडी हायस्कूलकडे येताना डाव्या बाजूला अश्शीच एक बिल्डिंग आहे. उजाड, तरी घराच्या खिडक्या सताड उघड्या. बंगला आहे कदाचित, लक्षात नाही, पण पार्किंग आहे खाली असं वाटतंय. तिकडे बघताना कसंतरीच वाटतं. खिडक्या का उघड्या आहेत हेच कळत नाही.
कवितेच्या शेवटी दिलेली
कवितेच्या शेवटी दिलेली ओपनिंगची तारिख हि आठवण आहे का?> हो!!
खूप धन्यवाद!
खूप सुंदर!
खूप सुंदर!
पुण्यात मेहेंदळे गॅरेजवरून कलमाडी हायस्कूलकडे येताना डाव्या बाजूला अश्शीच एक बिल्डिंग आहे. उजाड, तरी घराच्या खिडक्या सताड उघड्या. बंगला आहे कदाचित, लक्षात नाही, पण पार्किंग आहे खाली असं वाटतंय. तिकडे बघताना कसंतरीच वाटतं. खिडक्या का उघड्या आहेत हेच कळत नाही.>
वाह! मी फक्त कल्पनेच्या आधाराने लिहिलंय....
जुनी पडायला आलेली बिंल्डिंग
जुनी पडायला आलेली बिंल्डिंग आणि ओपनिंगची तारीख?>
आठवणी
आवडली ,तू ती बिल्डिंगशी जणू
आवडली ,तू ती बिल्डिंगशी जणू एकरूप झालीस