पण! (अनोखं प्रेम)

पण! (अनोखं प्रेम)
हवे होते तूझ्याकडून
दोन शब्द आपूलकीचे
पण.......
तु झाला नाहीस
माझाही अन् पारखासुध्दा
जोडणार होते तूझ्याशीच फक्त
एक ते अबोल नातं
पण......
प्रेम करताच आले नाही
व्यक्तही अन् अव्यक्तसुध्दा
विसरायचे होते हे जग
बाहूपाशात येऊनी तूझ्या
पण......
तू जवळ नाही
आलास अन् दुरावलाससुध्दा
शोधत होते डोळ्यात तूझ्या
ओथंबलेले प्रेम माझे
पण......
तू कधीच नाही
दिलेस लक्ष अन् दूर्लक्षीलेससूध्दा
होती आस जोड़ देण्याची
क्षितीजापर्यंत तूला
पण......
तू सोबत नाही
चाललास अन् थांबलाससूध्दा
......प्रांजली.