राधा कृष्ण प्रेम

राधा कृष्ण प्रेम १/४/२०१९
सुधाकरी (अभंग )

जळी स्थळी दिसे l
तीज एकमात्र l
कृष्ण च सर्वत्र l
राधेश्याम ll 1

ध्यानी मनी तोचि l
देवकी नंदन l
करिता मंथन l
हरीनाम ll 2

अविरत करी l
हरिचे चिंतन l
बोलती कंकण l
कृष्ण कृष्ण ll 3

सोड ना आक्रुरा l
कोसती गोपिका l
विनवी राधिका l
क्षणोक्षणी ll 4

नको जाऊ कृष्णा l
कैसे कंठु दिन l
जीव होतो क्षीण l
तुजवीण ll 5

मुरलीचे वेड l
लावीतो मुरारी l
भाळीते बावरी l
राधाभोळी ll 6

नाद मुरलीचा l
हरपतो भान l
राधिकेचे ध्यान.
सदाकाळ ll 7

राधा रमणचे l
प्रेमच आगळे l
जगी या वेगळे l
सर्वाहून ll 8

मूर्ती मंत प्रेम l
भक्तीचे प्रतिक l
प्रेम हे सात्विक l
राधेकृष्ण ll 9

रमण राधेचा l
आत्मा एकरुप l
प्रगटला दीप l
अव्दैताचा ll 10

वैशाली वर्तक