Submitted by वैशाली अ वर्तक on 15 March, 2019 - 06:30
होता रोज सकाळ , करावया येतो काम
दोघे मिळूनी राबतो , मानीतो हे तीर्थ धाम
"परिश्रम " मानून देव , अतोनात करितो कष्ट
सौख्य येईलच दारी , ठेव देवा सदा पुष्ट
करावया सुखी संसार , साथ तुझी मिळो सदा
सखे धरिला हात तुझा , सोडू नकोस तो कदा
एका हाताने तान्हुला दुजा सावरी मातीला
साथ राहूनी धनीच्या बळ वाढवी कामाला
तुझ्या माझ्या राबण्यास , देव नक्की देई न्याय
दृढ श्रध्दा तयावर , करी न कोणा अन्याय
दिन नक्की पालटेल , पु-या होतील उणीव
खोली मालकीची बांधू , मनीं ठेवली जाणीव
देवाजीने दिला जन्म , वाया न जावो निरर्थक
काम करूया कसूनी , करू जीवनाचे सार्थक
मोठा होईल तान्हुला , तोचि आपुला आधार
तया करुया साक्षर , ईच्छा होईल साकार.
वैशाली वर्तक (अहमदाबाद)
विषय:
Groups audience:
Group content visibility:
Use group defaults
शेअर करा
वा , छान , कविता आवडली
वा , छान , कविता आवडली
राजेःद्र देवी धन्यवाद
राजेःद्र देवी धन्यवाद
राजेंद्र देवी ...धन्यवाद
राजेंद्र देवी ...धन्यवाद