Submitted by वैशाली अ वर्तक on 15 March, 2019 - 06:18
माय मराठी (12 वर्णीय काव्य)
मराठी असे, आमुची मायबोली
पायिक तिचेच, राहू सदा काळी
असे ती गोड , अमृताहून - ही
विसरु नयेत, ऋण कदा काळी.
कसे ?किती? वर्णू , तिचे गुण गान
सर्व भाषेत तिची , वेगळी शान
संपन्न ,समृध्द अन् अलंकारिक
तिच्या गौरवाने, उंचाविते मान.
भुपाळी गाऊनी, उठवे सकाळी
भक्तीरसाची गाई ,उदंड गाणी
वीररसात स्फूरली , पोवाड्यांनी
अभंग -ओवी , जणू गंगेचे पाणी.
नवरस संपन्न ही मायबोली
वृत्त , छंद ,समासाने नटणारी
ज्ञानदेव तुकाची अमृत वाणी
संस्कार ,कला, संस्कृती जपणारी
दिन सोनियाचा , आज उगवला
करू साजरा गौरवाने जियेचा
लिहूनी ,बोलूनी , वाचवू भाषेला
ठेवू मान सर्व ,जगती तियेचा.
......वैशाली वर्तक 1/3/2019
विषय:
Groups audience:
Group content visibility:
Use group defaults
शेअर करा
छान
छान
धन्यवाद जी
धन्यवाद जी