Submitted by Asu on 12 March, 2019 - 22:44
मैत्रीचे नाते
तुझे नि माझे नाते होते
भक्तीचे, ना सक्तीचे
नाते फक्त प्रेमाचे
नव्हते परि रक्ताचे
नाजुकसे फुलपाखरू होते
विविधरंगी आनंदाचे
नाते होते स्वच्छंदाचे
नव्हते परि बंधाचे
आठवण जेव्हा अजून होते
धुंद मनाच्या गंध कुपीतुनि
सुगंध उधळीत येते,
भुलवून मजला जाते
संशय जरी जनात होते
प्रश्न आमच्या मनात होते
दोन जीवांच्या भेटी नुसते
मैत्रीचे का नाते नसते?
मैत्रीचे हे चेक अनेक
जगण्याखाती ठरले फेक
वटतील जेव्हा होऊन नेक
प्रेमाने होईल मानव एक
- प्रा.अरुण सु. पाटील (असु)
© सर्व हक्क स्वाधीन
https://www.facebook.com/AsuChyaKavita
शब्दखुणा:
Groups audience:
Group content visibility:
Use group defaults
शेअर करा