काही चारोळ्या

मी ओळ अवचित रचलेली,
तु छंद माझा कवितांचा,
मी चांदण्या रात्री विखुरलेल्या,
तू स्थिर चंद्र रात्रीचा....!!!
****************************************************************************
दडपण किती मनावर मणा मणाच,
मनाचे पाय कोलमडले तर नवल ते काय?
बेड्या जखडलेल्या भावनांच्या त्यात
ते अडकले तर नवल ते काय?
***************************************************************************
सूर झेलते त्याचे,
त्याच्या रंगी रंगते,
मीरा मी त्या सावळ्याची
त्याची सावली बनते...!!!
**************************************************************************
त्यांच्या कविता वाचत नाही हल्ली मी,
थोडं बेचैन व्हायला होतं,
उमगत नाही शब्द माझ्यासाठी जोडले होते,
की माझ्यावरच पेरले होते ...!!!
*******************************************************************
ओठांतच अडले
शब्द माझे,
तुझ्या नजरेतुनच
मी व्यक्त होत गेले...!!!
*************************************************************************
आज जाणवलं तुझ्याशिवाय राहणंही
अवघड आहे तितकंच
तुझ्याबरोबर राहणं जितकं
अवघड आहे . . . ! ! !
**************************************************************************
सगळीकडे तुच असतोस जणु आजकाल ,
सगळी गर्दी जणु तुझाच चेहरा घेऊन मिरवते ,
गोंधळते मीही अन् माझ्या प्रतिमेच्या ऐवजी
आरश्यात तुलाच बघते . . . ! ! !
**************************************************************************
तुझ्यासोबत मला माझं आयुष्य हवं ,
तुझ्याशिवाय एक श्वासही नको ,
माझी मला मी तुझ्यासवे हवी ,
तुझ्याशिवाय मला माझी सावलीही नको . . . ! ! !
***************************************************************************