मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by शब्दरचना on 8 January, 2019 - 22:38
बरं वाटतं जेव्हा तो म्हणतो
मला तुझं हसणं आवडतं
तुझ्या हसण्यात मला गुंतण आवडतं
मस्त वाटतं जेव्हा तो म्हणतो
तुझ्यासोबत दुरपर्यंत चालणं आवडतं
कातर सांजवेळी तुझ्यासोबत बसणं आवडतं
गोड वाटतं जेव्हा तो म्हणतो
तुझ्यासोबत पावसात भिजणं आवडतं
पुन्हा एकदा तुझ्यासोबत रुजणं आवडतं
आभाळ ठेंगणं होतं जेव्हा तो म्हणतो
तुझ्या डोळ्यांत मला हरवणं आवडतं
अन् तुझ्यामधेच पुन्हा मला सापडणं आवडतं
हळवी होते मीही जेव्हा तो म्हणतो
मला तुझं माझं असणं आवडतं
तुझ्यासोबत मला माझं असणं आवडत
तुझ्यासोबत मला माझं जगणं आवडतं...!
विषय:
Groups audience:
Group content visibility:
Use group defaults