Submitted by Asu on 29 November, 2018 - 22:27
स्पर्शाची किमया
स्पर्शाची किमया होता
काया माझी सळसळली
रोम रोमात फुलला काटा
छाती माझी धडधडली
दिवसाची रात्र होता
फुललं पुनवेचं चांदणं
अंगाअंगावर झालं
गर्द गुलाबी गोंदण
झाला बेभान सागर
आलं भरतीचं उधाण
टाकी लाटांचे उसासे
असं उतावीळ माजणं
देही प्रणयाचा अंगार
पेटे कणाकणात क्षणात
देह अर्पिला माझा
मी माझ्याच देहात
तप्त सूर्याचा गोळा
झाला मिलनी निवांत
सूर्य सागरी डुंबता
पृथ्वी रतिक्लांत शांत
- प्रा. अरुण सु. पाटील (असु)
© सर्व हक्क स्वाधीन
https://www.facebook.com/AsuChyaKavita
शब्दखुणा:
Groups audience:
Group content visibility:
Use group defaults
शेअर करा
छान आहे कविता , शीर्षक
छान आहे कविता , शीर्षक नेहमीचं वाटतंय , आणखी चांगलं होऊ शकेल.