गुपित माझे

आरशाला ठाऊक कैसे गुपित माझे
मला न माझे ठाऊक ऐसे गुपित माझे

नावं ठेविली होती तिजला गुलाब जाई
फुलांप्रमाणे नाजूक ऐसे गुपित माझे

कटिंग सिगारेट हाती आणि मुखात शिव्या
कट्ट्यांवर सापडते ऐसे गुपित माझे

अवतीभवती असून सारे कुणीच नाही
कुणास मी सांगावे ऐसे गुपित माझे

मला कधी ना कमी मिळाली एकही पोळी
कसे आईला कळते ऐसे गुपित माझे

मला न होतो आता त्याचा त्रास कधीही
तरी कुणाला छळते ऐसे गुपित माझे

पुढे मिळाला कधी मला एक जन्म नवा जर
तुलाच पहिले सांगेन ऐसे गुपित माझे