फरसाणाची भाजी

आमची इमरजन्सी वाली भाजी अगदी काहीच नसले की मस्त फरसाणचा डबा उघडून. कांदा टोमटो परतून त्यात फरसाण वरून तिखट मसाला वैगेरे.. झटपट भाजी..

फरसाण भाजीला वापरा, मिसळीला वापरा, भेळेला वापरा किंवा नुसताच बोकणा भरा.. कांदा खालुन खा, कांदा पोह्यावर पेरुन खा बहुद्देशिय असा पदार्थ

भाजी संपलीय, फक्त कढी आणि पोळी आहे, वाटीभर कढीत मूठभर फरसाण टाकून खा.

ज्यातत्यात साखरेची चिमूट घालणं बंद कर बघू! Proud

>>

हो हो, तिखट कसं तिखटासारखंच खावं .. उगीच काय पोह्यात साखर, साबु खिचडीत साखर, छ्या:

योकुच्या रेस्पीत साखर असते हे बघून मला भयंकर आनंद होतो.
पूर्वी मी होस्टेल-पीजी-मेस या चक्रात असताना टिपिकल गुळाच्या भाजीइतक्याच सहजपणे बिनगुळाची भाजी आणि थोडा चमचमीत स्वयंपाक (दुसर्‍याने केलेला!) खाऊ शकत होते. पण आता अनेक वर्षांच्या सवयीने गूळ घातलेली भाजी-आमटीच घशाखाली उतरते. चटणी, साखि यातही साखर हवीच! नाहीतर फार एकसुरी वाटते चव. उलट मी एकदा पनीर-मटर भाजी केली पंजाबी पद्धतीने, त्यातही अग्दी चिमटीभर साखर दिली ढकलून, तर एरवी पंजाबी चवी अजिबात न आवडणार्या पब्लिकनेही चाटून पुसून खाल्ली भाजी! त्यामुळे साखर-गूळ एलिमेंट आता अनिवार्य झालंय.
(अपवाद : पावभाजी वगैरे स्पेशल प्रकार )

साखर हवीच! नाहीतर फार एकसुरी वाटते
<<
गम्मत आहे!
प्रत्येक पदार्थात साखर नसली तर एकसुरी?

छान आहे रेसिपी, परवा युट्युबवर अशीच वेफर्सची भाजी पाहिली, विष्णुजींनी दाखवली होती.
पापडाची भाजी सुध्द्दा छान लागते
दुधीभोपळा वगैरे भाजी केली तर कधीतरी खारीबुन्दी टाकायची त्यात , जस्ट काहीतरी चेन्ज म्हणून !

साखर ह्या भाजीत बघून बाद!
तिखट खावोच नये मग.

सादळलेल फरसाण मिळाल काल घरात , वैताग येण्याऐवजी खुष झाले, करुन पाहणार आता ही भाजी

साखर ज्याची त्याची आवड, मी नाही घालत ह्या प्रकारात. चटणी, कोशिबिरीत साखर नाही घालत काही ठराविक अपवाद वगळता . बाकी रस्सा भाज्या, आमटी हे आमच्याकडे गोडा मसाला, गुळ घालून असतात.

फरसाणात थोडी तरी साखर असतेच.

मीही घालते बाबा साखर. भाज्या , पोहे, साखि मधे पण. पण याचा अर्थ ते पदार्थ चवीला गोड करायचे असा नसतो. पदार्थाची मूळची चव खुलते उलट. त्या हिशेबानेच घालायची.

टोमॅटो ने फारच आंबटसर झालेली असेल तर पाव चमचा साखर घालून सिजनिंग अ‍ॅडजस्ट करावं. >>> हे वाक्य महत्वाचं आहे योकुंचं. कधी कधी टोमाटो अति आंबट लागतात पण त्यावेळीही मी पाव चमचा नाही अगदी चार दाणे घालेन .

फरसाणात थोडी तरी साखर असतेच. >>> इथे दोन्ही प्रकार मिळतात, एक गोडसर फरसाण आणि एक छान तिखट.

ह्या भाजीत साखर घालेनसं वाटत नाही पण साखि, पोहे ह्यात अर्धा चमचा साखर असतेच आणि लागतेच. एरवी भाजी, आमटीत किंचीत गूळही मस्टच.

योग्या एक नंबर भाजी. मी नक्की करून पाहिन.
माझी एक मैत्रिण तुझ्यासारखीच क्रियेटिव्ह आहे. ती सेम अशीच भाजी आपल्या कुर्डया असतात ना त्याची करायची. भिजवून ठेवून टोमॅटो कांदा फोडणी.
त्यानंतर भजी च्या गाडीवरून फक्त कावळे ( वडे किंवा भजी तेलात घोळायला टाकताना जे छोटे छोटे पिठाचे थेंब तळले जातात) तेच विकत आणायची आणि त्याची मस्त ग्रेव्हीची भाजी करायची. आणि ते स्वस्त पण मिळायचे खूप. ५ रुपयांचे आणले की आम्ही चौघी जणी ती भाजी खात असू.

त्यानंतर भजी च्या गाडीवरून फक्त कावळे ( वडे किंवा भजी तेलात घोळायला टाकताना जे छोटे छोटे पिठाचे थेंब तळले जातात) तेच विकत आणायची आणि त्याची मस्त ग्रेव्हीची भाजी करायची. +१११ भारी आयडीया

छान पोस्ट योकु.

गोड वस्तूत पण मीठ नाही चालत हो वैयक्तीक मला, माझी एक नणंद शिऱ्यात मीठ घालायची, तसं मी गोड फार कमी खाते पण कोणाला जाणवलं नाही तरी मला मात्र मीठ पहिलं जाणवायचं तसंच vice versa होतं पोहे, सा खि त मला साखरेचं.

अर्र लोख्हो, साखर भाजी गोड करायला वापरायची नाहीय>>>> हेच लिहायला आलेले. अगदीच काही पाव 'किलो' साखर नको वापरायला....पाव 'चमचा'च काम करुन जाईल.
गोडात मीठाचं पण सेम. चिमूटभरच. असलं तर जाणवेलच असं नाही. पण नसलं तर नक्की जाणवतं.

उलट सुगरणी सांगतात की गोडात किंचित मिठ आणि तिखट पदार्थात चिमटभर साखर जरूर घालावी.

ती सेम अशीच भाजी आपल्या कुर्डया असतात ना त्याची करायची. भिजवून ठेवून टोमॅटो कांदा फोडणी.
<<
कुर्डया पापड यांचा चुरा डब्यात खाली जमतो. तो 'वेळायचा'. म्हणजे शेवया 'वेळतात' तसे उकळत्या पाण्यातून काढायचा. पास्ता करतो तशी कृती. फक्त बराच कमी वेळ लागतो, कारण कुरडई, नागलीचे पापड वगैरेचे पीठ प्री कुक्ड असते.

मग कोरडी कांद्याची फोडणी करून त्यात परतल्या की अगदी छान भाजी होते.

सरत्या उन्हाळ्यात नवे पापड कुरडया घालतात तेव्हा मागच्या उरसुरची ही भाजी खानदेशात फेमस आहे. त्या दिवसांत बाजारात भाज्या पण फारशा नसतात.

खूपच छान रेसीपी आहे. माझ्या कडेही मिक्स फरसाणाची अर्धवट संपलेली पुडी आहे. आज रात्री हा मेनू म्हणजे अगदी योग्य आहे.

मस्त! आवडली पाकृ.