अशी कोणती गोष्ट आहे जी एकदा ट्राय केली पण परत कधीच नाही करणार?

Submitted by कटप्पा on 7 July, 2018 - 00:24

Long वीकएंड साठी फ्लोरिडा आलो आहे. मी 2 अशा गोष्टी ट्राय केल्या ज्या परत कधीच नाही करणार.

१. ऑक्टोपस - हो मी ऑक्टोपस खाल्ला. मजेत खाल्ला आणि खाऊन १ तासात उलटी केली. सगळी रात्र पोट दुखत होते.

२. सिगारेट -पहिल्यांदा सुट्टा ओढला- 4 तास गुंगीत होतो. कानावर खडा आता. नेव्हर अगेन !!!

तुमच्या पण असे अनुभव असतील जे एकदा ट्राय केले पण परत कधीच नाही करणार?

शब्दखुणा: 
Group content visibility: 
Public - accessible to all site users

बॅचलर असताना पल्सरवर लोणावळ्याला निघालेला आमचा ग्रुप. मित्र गाडी चालवत होता अन मी मागे बसलेलो. तेव्हा मित्राच्या सांगण्यानुसार चालू गाडीवर मी पुढे झालो अन तो मागे येऊन बसला. थोड्या वेळाने पुन्हा मी मागे (चालू गाडीवरच) गेलो अन तो पुढे आला.

पुन्हा कधी नाही केला अस प्रकार

भाऊ, Lol

स्लीपर कोच मध्ये त्रास झाला तर उशी उलट्या बाजूला ठेवून (डोक्याच्या बाजूने ओढले जाण्याची सोय) झोपायचं डोक्यात आलं नाही का? Wink

>> उशी उलट्या बाजूला ठेवून (डोक्याच्या बाजूने ओढले जाण्याची सोय) झोपायचं डोक्यात आलं नाही का?

ते सुचणे स्वाभाविक आहे ना? ते केले गेले नाही म्हणजे तो पर्याय उबलब्ध नसणार हे डोक्यात यायला हवे खरे तर Happy
उशी फिक्स असते. निदान त्या ट्रॅवल मध्ये तरी होती. लेदरची. बेडचा भाग म्हणूनच खिळ्यांनी फिक्स केलेली. तिच्यावर पाय ठेवून डोके उशी नसलेल्या अवस्थेत असा एक असफल प्रयत्न करून पाहिला होता तरीही.

Pages