Submitted by महेश भालेराव on 1 February, 2018 - 07:01
मी लाविल्या रोपास आला बहर जेंव्हा
कळले ना मलाही झाला कहर केंव्हा ?
मनी साठवून होते मी फुल अत्तराचे
पसरुन गंध त्याचा झाला जहर केंव्हा ?
डोळ्यात साठविली प्रत्येक वाढ त्याची
मग पापणीतूनी तो सुटला प्रहर केंव्हा ?
पदरातल्या धाग्यांचा कळला खुजेपणा
उधळून लाज सारी गेली लहर जेंव्हा ?
वेगळ्या रूपाची बस राहिली बढाई
फुलानीच रंग विकला आली खबर जेंव्हा ..
महेश बाळकृष्ण भालेराव
विषय:
Groups audience:
Group content visibility:
Public - accessible to all site users
शेअर करा
वाह् वा वा... क्या बात है!
वाह् वा वा... क्या बात है! एकावर एक सरस खयाल!
वृत्त तपासून पहावे लागेल मात्र! काफिया,रदीफ ई. पुन्हा एकवार वाचून पहाल तर उत्तम! पुलेशु!
>>>पदरातल्या धाग्यांचा कळला खुजेपणा
उधळून लाज सारी गेली लहर जेंव्हा ?>>>खूप आवडल्या या ओळी!