स्फूट - आम्ही दोघी
माझ्या अगदी समोरच्या घरात
अम्माचा कुंटणखाना !
लालभडक पिचकाऱ्या मारणारी
पन्नाशीची, भरल्या अंगाची अम्मा !
दिवसभर नातवान्मागे फिरणारी
गोरी-गोमटी नाजूक सून
घरकामात व्यग्र !
तरणाबांड राजबिंडा मुलगा
गिऱ्हाईकांच्या उस्तवारीत मग्न !
चार पाच वेश्या
पोरासोरांसोबत तिथेच रमणाऱ्या
गिऱ्हाईक सांभाळणाऱ्या
मी ..
नवऱ्याचा डबा करून देवून
मुलाला सांभाळत त्याची वाट पाहणारी !
कुंपणापलिकडचे आम्ही
कुतुहलाचा विषय असू परस्परांचा
तिचा नवरा कुठेच न जाणारा
माझा नवरा दमून भागून उशिरा घरी येणारा ...!
परिस्थितीचा केवढा हा विरोधाभास नाही ?
महत्वाचा विरोधाभास म्हणजे
तिचा नवरा माझ्याकडे
ढुंकूनही न बघणारा
आणि
माझा नवरा ..
तिने दटावून घरी परत पाठवलेला
मी गरतीची ती फिरतीची
आमच्यात साम्य एकच ...
दोघीही कमनशिबी !!!
सुप्रिया
क्लास!
क्लास!