जेव्हा ..... "ती"

.

मानवतेच्या गुणाशिवाय
सुंदरतेची व्याख्या होते
जेव्हा ....ती
क्रोध द्वेषाची फुलं उमलवते

दाहक भेसूर जख्मातुन
धर्मांधतेची दिशा गवसते
जेव्हा ....ती
धगधगणारी ज्वाला होते

रक्ताळते हिंदूकुशाची कोमल काया
अन् जाज्वल्य पंडित्याची प्रतिभा छाया
जेव्हा ....ती
अतिरेक्यांचा बलात्कार ठरते

हरवले आता सांजवारा, चांदणपारा
आणि तो श्रावण मोरपिसारा
जेव्हा ....ती
नीच दुष्टांचे क्रौर्य बनते

सीमा सीमा उरतच नाही
माणुस माणूस उरतच नाही
जेव्हा ....ती
बंदुकीची गोळी फक्त
कलियुगातील रावणच असते

― अंबज्ञ