Submitted by अनन्त्_यात्री on 17 August, 2017 - 02:31
ये,
उद्याच्या कविते
दिक्कालबंध तोडून ये,
ओसंडत, रोरावत, अनावर ये
भारून टाक अवघ्या अस्तित्वाचे अवकाश
कडाड कोसळ या अस्थिमज्जेच्या पिंजऱ्यावर
एक एक अणू व्यापून टाक जाणिवेचा-तुझे देणे चुकेपर्यंत
घे आधार तोकड्या अक्षरांचा - कागदावर वज्रलेप होण्याआधी
दे
उसंत
फक्त
कालच्या
कवितेच्या
कलेवरावर
कायमचे कफन घालण्याची !
विषय:
शब्दखुणा:
Groups audience:
Group content visibility:
Use group defaults
शेअर करा