शनायाचं पत्र

आईस पत्र या माझ्या पोस्ट वरून (लिखणावरून) inspiration घेऊन माझी लेक शनाया मला म्हणाली "मम्मा मी तुला आज पत्र लिहिते "मी अवाक होऊन क्षणभर तिच्याकडे बघतच राहिले ..... तो क्षण माझ्यासाठी खूपच अनमोल होता अगदि आयुष्यभर माझ्या हृदयात साठऊन ठेवावा असाच.. माझ्या ५ वर्षे ९ महिन्याच्या मुलीला तिच्या आईला म्हणजेच मला पत्र लिहावंसं वाटलं नक्कीच माझ्यातल आईपण सुखावणारी गोष्ट... मी मनोमन विचार करत होते नक्की काय लिहेल हि बया?
या वयात हि मुलं अतिशय निरागस असतात, संवेदनशील असतात, आजूबाजूला घडणारया बारीक सारीक गोष्टींचं निरीक्षण करत असतात, मी तिच्याच विचारात गुंतलेले होते आणि मला पत्र लिहीणाऱ्या त्या सुंदर निरागस चेहऱ्याच निरीक्षण करत होते तेवढ्यात त्या चिमुकल्या हातांमधलं… तिच्या एवढच इवलस पत्र तिने माझ्या हातात ठेवलं ,आणि म्हणाली ” वाच” ..मी आश्चर्याने ते पत्र आणि हसणारा तिचा तो गोंडस चेहरा आलटून पालटून बघतच राहिले कारण ते पत्र म्हणजे तिच्या लेखणीतून उमटलेल्या उभ्या आढव्या रेषा होत्या ..त्या पत्रात एकही शब्द नव्हता.....मी विचार करत होते कि हिला नीट अक्षर ओळख आहे , हस्ताक्षर पण छान आहे ..नक्कीच काहीतरी छानसं लिहिल असाव अशी माझी अपेक्षा होती. ... या सर्व प्रश्नांचा माझ्या मनात गुंता झाला असताना पुन्हा त्याच आत्मविश्वासाने मला बोल्लि "अगं मम्मा वाच ना मी तुला पत्र लिहिल आहे”....
त्यावेळी माझ्या मनात विचार आला कि खरंच किती अपेक्षा करतो आपण या मुलांकडून ...किती हट्टाहास असतो आपला कि आपल्या मुलांनी प्रत्येक गोष्ट perfection ने करावी.... या सर्व अपेक्षांच्या पलीकडे जाऊन मी तिच्या पत्राचा आशय समजून घेण्याचा प्रयत्न केला .... त्या उभ्या आडव्या रेषा म्हणजे तिच्या माझ्यात असलेले अतूट बंध होते….माझ्यासाठी लिहिलेल्या त्या पत्रातील ओळ न ओळ ...रेषा न रेषा फक्त या माझयासाठीच होत्या....शनायाला तिच्या मनातील गुज मला मनमोकळेपणाने सांगायचं होत,... माझ्यावर असलेलं प्रेम ती व्यक्त करत होती.
लहान मुलांचं भावविश्व् खूपच वेगळ.... अनोख असत. त्यांच्या प्रत्येक कृतीमागे काही ना काही अर्थपूर्ण दडलेले असत. ते आपण समजून उमजून घेणं खूप गरजेचं असत
माझ्यासाठी हे नुसत पत्र नाही आहे तर शनाया कडून मला मिळालेली हि अनोखी आणि अप्रतिम भेट आहे. तिला समजून घेताना मी पण कितीतरी गोष्टी नव्याने शिकते. तिच्या भावविश्वात शिरून मानाने तिच्याएवढी लहान होते, आणि तो निरागसपणा पुन्हा पुन्हा अनुभवते. खरंच मुलासारखा मुलं होऊन निरागस आयुष्य जगण्याची ..नव्याने अनुभवण्याची मजा काही औरच आहे.
Thank You Very Much Shanaya.
तू माझ्या आयुष्यात आल्यामुळे माझं आयुष्य खूपच सुंदर झालं.