Submitted by सुप्रिया जाधव. on 7 April, 2017 - 00:30
उभयता चढवणार होतो कळस
कसा पूर्ण व्हावा तुझ्याविण नवस ?
बहरला बहावा जणू सांगतो
समस्या निवळतील ध्यानस्थ बस !
तुझ्या स्पर्शण्याने अशी दाहते
जसा लाल होतो उन्हाने पळस
पिके संभ्रमांचीच घेशील तर ..
मनाचा कसा काय टिकणार कस ?
क्षणार्धात माझ्याकडे पोचते
तुझ्याहून ठरते तुझी सय सरस
नसेना सुशोभित... तरी औषधी !
तुझ्या अंगणी डोलणारी तुळस
पसरला किती रोग अंदाज घे
मनाची तुझ्या तू पकड नीट नस
तुला तीच रेटेल ध्येयाकडे
' प्रिया ' फक्त जा आणि गर्दीत फस !
सुप्रिया
विषय:
Groups audience:
Group content visibility:
Public - accessible to all site users
शेअर करा
आह !!! पळस ....
आह !!! पळस ....
सुंदर
सुंदर