Submitted by भुईकमळ on 16 March, 2017 - 10:55
बोलावतो घंटारव
धुकाळल्या घाटावर
बेडी काचते श्वासांची
नादहाका देहभर ...
पूर येई कहाणीला
अश्रू सांडता नदीत .
घट चालला वाहून
माझा स्पर्श सांभाळीत ...
तहानेच्या वादळात
आर्त वृक्षाचे आर्जव ,
'येग येग मेघावली
विडा वीजेचा भरव ".
जाओ नभापार झोका
रुपु देत चंद्रकाचा
तुटणाऱया तारकांचा
उरी प्राणांतिक ठेका ...
आता रानोमाळ गाते
सावलीला झुगारून .
रक्तशिंपण करते
पांगाऱ्याच्या फांद्यातुन
घेरलेल्या वणव्यात
सजे ठिणग्यांनी शेज
लाल पेटत्या फुलांनो
भरा सांजमळवट .
विषय:
शब्दखुणा:
Groups audience:
Group content visibility:
Use group defaults
शेअर करा
कांंदापोहे, धन्यवाद ! तुमचा
कांंदापोहे, धन्यवाद ! तुमचा या कवितेबद्दलचा अभिप्राय खूप आवडला .
rmd, तुम्हा सर्वांनी दिलेल्या प्रतिसादामुळे शब्दांशी सलगी करण्याचं धाडस वाढु लागलयं .
आभार !
सुंदर... बेडी काचते श्वासांची
सुंदर... बेडी काचते श्वासांची
नादहाका देहभर ... नाद-हा-का? व नाद-हाका ... मस्त
चंद्रकाचा, वीजेचा विडा, सुरेख...
सलाम आप्ल्याकडून कवितेला...
सलाम आप्ल्याकडून कवितेला....आणि भुईकमळाला
पेशवा ,कवितेस तुमचा प्रतिसाद
पेशवा ,कवितेस तुमचा प्रतिसाद मिळालाय ,ही गोष्ट बाहेर असल्याने उशीरा लक्षात आली. आवडत्या कवीची
प्रतिक्रिया ...खूप आनंद झाला.
धन्यवाद !!!
संतोषजी , दाद आवडलीच ... मनापासून आभार ! ...
क्या बात है! खूप दिवसांनी
क्या बात है! खूप दिवसांनी माबोवर यावं ; आणि असं काहीसं सुरेख वाचायला मिळावं! सुंदर रचना! सुरेख रुपके!
ठिणग्यांची शेज..!! सुरेखच!!
तहानेच्या वादळात
तहानेच्या वादळात
आर्त वृक्षाचे आर्जव ,
'येग येग मेघावली
विडा वीजेचा भरव ".+++ क्या बात है! बोहत खुब...:)
मस्त !!
मस्त !!
एकदम अप्रतिम... शब्दच नाहित..
एकदम अप्रतिम... शब्दच नाहित....
रुपु देत चंद्रकाचा (खुपु देत चंद्रकाचा) असे हवे होते का? रुपु देत चा अर्थ मला नाहि समजला...
राजेंद्र देवी
के अंजली , मनापासून धन्यवाद
के अंजली , मनापासून धन्यवाद !इतक्या दिलेर, मनाला उभारी देणाऱया प्रतिक्रियेसाठी ..
.
रांगोळीप्रिय सायु,तुझेही आभार !
धनुडी ,धन्यवाद!!!
राजेंद्र ,तिथे रुपणे ,म्हणजेच रुतणे हा बोलीभाषेतला शब्द मला अभिप्रेत आहे. प्रतिसादासाठी आभार ...
अप्रतिम प्रतिभा !
अप्रतिम प्रतिभा !
धन्यवाद ! दत्तात्रय साळुंखे .
धन्यवाद ! दत्तात्रय साळुंखे .
Pages