आतले जनावर ...

Submitted by कविता क्षीरसागर on 6 January, 2017 - 13:06

आतले जनावर ..

एखाद्या बेसावध क्षणी
अचानक बाहेर पडते

आतले जनावर

कायम डांबून ठेवलेले
विवेकाच्या पिंजऱ्यात ...

तेव्हा आपणच जातो घाबरून
आणि अस्वस्थ होतो
आपलाच असा
क्रूर , भेसूर चेहरा पाहून ...

त्याला परत ओढत आणून
लगाम घालेपर्यंत
बरीचशी नासधूस
झालेली असते

आपल्यासोबतच
कित्येक मनांची ...

कविता क्षीरसागर

विषय: 
काव्यलेखन
शब्दखुणा: 
कविता
Groups audience: 
गुलमोहर - कविता
Group content visibility: 
Public - accessible to all site users
शेअर करा