बेत काय करावा- ३

वेलकम ड्रिंक :- पन्हं>>> मुंबईत उत्तम प्रतीचे पन्हं कुठे मिळेल?? एखादा चांगला ब्रॅंड अथवा घरगुती मिळण्याचे ठिकाण कुणी सूचवू शकेल‌ का??

आज उद्या करता करता फायनली २६ एप्रिलला आमच्या भिशीचा मुहूर्त लागला. १४ जणी + आम्ही घरातले ५ असा १९ जणांचा स्वयंपाक बनवायचा होता. पुर्वतयारी करायला अजिबात वेळ मिळाला नाही फक्त आदल्या रात्री पन्ह्यासाठी कैरी वाफवून ठेवली होती आणि दही लावलं. २६ ला दुपारी ३ वाजता ऑफिसमधून निघाले, ३.३० ला स्वयंपाकाला सुरवात केली. एकीकडे पाक बनवायला ठेवला तर दुसरीकडे चितळे मिक्स गुलाबजाममध्ये खवा घालून मिश्रण मळून घेतले. लेकीला बिर्यानीसाठी लागणार्या भाज्या कापायला बसविले. दहिवड्यासाठी सकाळी उडीदडाळ भिजवली होती ती वाटून घेतली. मग गुजा बनवून घेतले. नंतर वडे तळून हिंगमिठाच्या ताकात भिजवले. त्याच तेलात बरिस्ता तळला. दुसरीकडे भात करायला ठेवला. गोड चटणी घरात होती त्यामुळे ती बनविण्याचा त्रास वाचला. हिरवी चटणी, दही तयार करुन ठेवले. नंतर बिर्याणी बनविली. तिला दम लागेपर्यंत पन्हं तयार केलं. रायता केला आणि पापड तळून ठेवले. बरोब्बर पाउणे सातला संपूर्ण मेनू तयार होता. ७ वाजता मैत्रीणी जमण्यास सुरवात झाली.
वेलकम ड्रिंक झाल्यावर 'गाण्यावरून वस्तू ओळखा' गेम खेळलो.
दहिवड्याचा राऊंड झाल्यावर 'डायलॉगवरून सिनेमाचे नाव ओळखा' गेम खेळलो.
मध्येमध्ये खायला टरबूज कापून ठेवला होता. नंतर शिर्षकगीतावरून सिरीयले नाव ओळखण्याचा गेम खेळलो.
शेवटी बिर्याणीचा राऊंड झाल्यावर प्रत्येकीने कराओकेवर एकएक गाणं गायलं.
येणार्या १४ जणींपैकी फक्त दोघीजणी माझ्या ओळखीतल्या होत्या बाकी गेल्या महिन्यात फक्त एकदा भेटल्या होत्या. त्यामुळे त्यांना मेनू आवडेल की नाही याचं टेन्शन आलं होतं पण सगळ्याजणी प्रचंड इम्प्रेस झाल्या होत्या.

काय उरक आहे कामाचा... मला तर वाचूनच दम लागला की...

काय उरक आहे कामाचा... मला तर वाचूनच दम लागला +१ इंप्रेस होतील नाही तर काय?
बाकी एक वेळ जमेल, पण शिवाय बिर्याणी ? मी आयुष्यात एकदाच केली आहे. झाली होती छान, पण किती तरी वेळ लागला होता करायला. त्यामुळे परत केलीच नाही अजून

दंडवत!

काय उरक आहे ….>>+१

काय उरक आहे कामाचा... मला तर वाचूनच दम लागला की... मलाही
निल्सन माझ्याकडून तुला कौतुकाची थाप

चार तासात एवढं सगळं रेडी... निल्सन कमाल आहे...

काय उरक आहे.... >>> +1
फोटो मस्त आलेत .पन्ह ,दहीवडे ,गुलाबजाम ,बिर्याणी सगळंच भारी दिसतंय.

काय उरक आहे.... >>> +1

मस्त दिसतंय सगळं!! अगदी _/\_

निल्सन, कामाचा उरक तर आहेच. पण तुमच्या टाईम मॅनेजमेंटला सलाम. काय शिजत असताना दुसर काय उरकायच, तुमच्या स्कीलच कौतुक आहे.

खरेच. किती उरक!
आणि इतक्या पदार्थांचा, विशेषतः बिर्याणीचा पसारा किती होतो.
तो सगळा आवरायचा म्हणजेच मला एक तास लागेल.
तुमचे कौतुक.

काय उरक आहे कामाचा... मला तर वाचूनच दम लागला की... >>> अगदी अगदी. केवळ कौतुक, कौतुक, कौतुक.

निल्सन, ऑफिसमधून येवून परत चार तासात इतक्या लोकांसाठी एवढे सगळे पदार्थ ! खूप खूप कौतुक!

निल्सन,
कौतुक. छान मेनू

बाप रे किती मस्त.

हो ना! बिर्याणी,गुजा आणी दहिवडे सगळेच निगुतिने करायचे पदार्थ ४ तासात जमवलेस...मस्तच!

बाब्बौ.. तिन्ही पदार्थ वेळखाऊ आहेत बनवायला. काँबिनेशन आहे छान मात्र.
खूप खूप कौतुक!!

निक्सन, खुपच मेहनत केली कामावरून आल्यावर.
सजायला वेळ मिळाला ना? छान मेकअप वगौरे झाला ना?
कामात स्वतःला विसरून जाउ नये म्हणून ..

( एके काळी करायचे असताना… पण आता शक्यच नाही मदत असली तरी…)

निल्सन _/\_

निल्सन , दंडवत तुमच्या उत्साहाला आणि time management ला ! कुतूहल म्हणून विचारते आहे १९ जणांसाठी उडीद डाळ आणि बिर्याणी साठी तांदूळ किती घेतले ? माझ्याकडे ही १/२ महिन्यात भिशीचा round होणार आहे तेव्हा उपयोगी पडेल.

निल्सन , दंडवत तुमच्या उत्साहाला आणि time management ला ! >>> १००++

सही मेनू आणि झकास फोटो. अगदी तोंपासु.
खरंच प्रमाण लिहा प्लीज.

आणि मुलीचेही कौतुक तुम्हांला मदत केली म्हणून.

अरे इतके कौतुक करू नका, मुठभर नव्हे तर किलोभर मांस चढले अंगावर एकतर आधीच वाढत चालली आहे
पण खरच मनापासून धन्यवाद. खूप छान वाटलं तुम्हा सर्वांचे कौतुकाचे बोल ऐकून/ वाचून.
माझ्याकडे गणपती असतात त्यामुळे ३५-४० जणांच्या स्वयंपाकाची सवय आहे. तसेच माहेरीपण दहा दिवस रोज रात्रीचा २०-२२ जणांच्या स्वयंपाकाची जबाबदारी माझीच असते.

सजायला वेळ मिळाला ना? छान मेकअप वगौरे झाला ना?
कामात स्वतःला विसरून जाउ नये म्हणून .. >>> हो तर. पावणे सात ते सात दरम्यान माझी तयारी झाली. कितीही गडबड असली तरी मला लिपस्टीक लागतेच. बाकी मेकअप नसला तरी चालतो पण लिपस्टील मेन्डाटरी आहे माझ्यासाठी. मी तर घरात सांगून ठेवले आहे जेव्हा कधी मी मरेल तेव्हा लिपस्टीक लावल्याशिवाय घराबाहेर काढायचे नाही मला

कुतूहल म्हणून विचारते आहे १९ जणांसाठी उडीद डाळ आणि बिर्याणी साठी तांदूळ किती घेतले >>>
माझा सगळा स्वयंपाक अंदाजपंचेच असतो पण बिर्याणीसाठी १ किलो तांदूळ वेगळेच आणले होते आणि ते सर्व वापरले. २ जण खातील एव्हढी उरलेली पण. भाज्यांमध्ये मटार, फ्लॉवर, फरसबी, पनीर, तोंडली, शिमला मिरची सगळे मिळून १ किलो असेल.
उडीद डाळ पण १ किलो आणलेली त्यातील पाऊण किलो घेतली असेल. वडे मी सगळे भिजवले नाही थोडे तळून तसेच ठेवले होते. लागेल तसे भिजवेल या उद्देशाने पण नंतर सगळ्यांनी तसेच कुरकुरीत वडे मागितले. वडे सगळे संपले.
गुजा चितळेचा २०० ग्रॅमचा पाकिट आणला होता त्यात १०० ग्रॅम खवा मिसळला. ५५-५६ गुजा बनले.

आणि मुलीचेही कौतुक तुम्हांला मदत केली म्हणून. >>> हो ना. एरव्ही काही काम सांगितले तर इतका कंटाळा करते की विचारु नका पण त्यादिवशी अजिबात कुरकुर न करता सगळ्या भाज्या छान कापल्या तिने. अर्धा पाऊण तास तर लागलाच असेल तिला. मलाच आश्चर्य आणि कौतुकही वाटलं.

भारीच!
>>लिपस्टीक लावल्याशिवाय घराबाहेर काढायचे नाही मला >> :डोक्याला हात:

पुढच गटग निल्सनकडे. मस्त बेत असेल जेवणाचा.

गणपतीसाठी बेत सुचवा. खान्देशी शेवभाजी फायनल आहे. त्याबरोबर एक कमी तिखट मुलांसाठी भाजी आणि बाकिचा बेत सुचवा.
शक्यतो पनीर नको.

मुलांसाठी कमी तिखट डोसा बटाटा भाजी. किंवा शेजवान सॉस घालून केलेली फरसबी, कोबी मिक्स भाजी.
शेवभाजी बरोबर पुऱ्या चांगल्या नाही लागणार त्यामुळे सध्या पोळ्याच. आधी करून पण ठेवता येतील. त्यामुळे सोपे होईल.
गोडात गुलाबजाम किंवा रसमलाई. गणपती म्हणून मोदक असणार आहेत का?

गणपतीत दर्शनासाठी येणाऱ्या पाहुण्यांना स्नॅक्स म्हणून काय ठेवता येईल? शक्यतो सुका खाऊ हवा. घरी काही बनवायला वेळ नाही मिळणार.. गेल्या वर्षी डिश मध्ये वेफर्स, कचोरी आणि एक पेढा असे ठेवलेले..