रिओ ऑलिंपिक्समध्ये भारतीय खेळाडू

Submitted by भरत. on 10 August, 2016 - 00:14

अ‍ॅथलेटिक्स :
थाळा फेक : विकास गौडा ५८.९९ मी. गोळा फेकून ३५ स्पर्धकांत २८वा.
गोळा फेक : महिला मनप्रीत कौर १७.०६ मीटरच्या फेकीने ३६ स्पर्धकांत २३वी.
८०० मीटर्स : पुरुष : जिन्सन जॉन्सन १मि ४७.२७ ची वेळ नोंदवत २५वा.
२० किमी चालणे : मनीष सिंग १ तास २१.२१ ची वेळ नोंदवत १३वा. अन्य दोन स्पर्धक फाउल केल्याने बाद.
४०० मीटर्स : पुरुष : मोहम्मद याहिया ४५.९५ सेकंदांची वेळ नोंदवत ३१वा
पुरुषांच्या लांब उडीत अंकित शर्मा ७.६७ मीटर २४वा
महिलांच्या १०० मीटर्स स्प्रिंटमध्ये द्युती चांद ११.६९ सेकंद ५०वी
महिला ३००० स्टीपलचेस : ललिता बाबर ९.१९.७६ मिनिटांची वेळ नोंदवत आपल्या हीटमध्ये चौथी. फायनलसाठी पात्र. अंतिम फेरीत ९:२२:७४ची वेळ नोंदवत दहावी.
याच प्रकारात सुधा सिंग ९.४३.२९ ची वेळ नोंदवत ३०वी आली..
४०० मीटर्समध्ये निर्मला ५३.०३ सेकंद वेळ नोंदवत ४४वी आली.
महिलांच्या मॅरॅथॉनमध्ये ओ पी जैशा २तास ४७ मिनिटे १९ सेकंदांची वेळ नोंदवत ८९वी तर कविता राऊत २:५९:२९ ची वेळ नोंदवत १२०वी आली.
थाळी फेक : महिला : सीमा अंतिल ५७.५८ मी थाळी फेकत २०वी.
महिला ८०० मीटर्स धाव : टिंटू लुका २:००:५८ मिनिटांची वेळ नोंदवत २९वी.
५० किमी चालणे : पुरुष : संदीप कुमार ४ तास ०७ मि.५५ सेकंदांची वेळ नोंदवत ८० स्पर्धकांत ३५वा.
महिला : २० किमी चालणे : खुशबीर कौर १तास ४० मि ३३ सेकंदांची वेळ नोंदवत ७४ स्पर्धकांत ५४वी.सपना स्पर्धा पूर्ण करू शकली नाही.
महिला ४ X ४०० मीटर्स रिले : भारतीय महिला ३ मि २९.५३ ची वेळ नोंदवत आपल्या हीटमध्ये ७व्या तर एकंदर १३व्या.
पुरुषांचा संघ ४ बाय ४०० मीटर्स रिले मध्ये डिस्क्वालिफाय झाला.

कुस्ती ग्रीको रोमन ८५ किलो वजनी गटात रविंदर खत्री हंगेरियन पैलवानाकडून ०-४ असा पराभूत.
ग्रीको रोमन ९८ किलो वजनी गटात हरदीप सिंग तुर्की पैलवानाकडून १-२ असा पराभूत

महिला ५८ किलो वजनी गटात साक्षी मलिकने कांस्य पदक मिळवले.

महिला ४८ किलो वजनी गटात विनेश उपान्त्यपूर्व फेरीत चीनी पैलवानाकडून पराभूत आणि जखमी.
महिला ५३ किलो वजनी गटात बबिता कुमारी १/८ फेरीत ग्रीसच्या पहिलवानाकडून १-५ अशी पराभूत
पुरुष : ५७ किलो वजनी गटात संदीप तोमर १/८ फेरीत रशियन पहिलवानाकडून ३-७ असा पराभूत

गोल्फ : अनिर्बान लाहिरी पार+१ च्या स्कोरसह ४५वा तर शिव चौरसिया पार+७ सह ५८वा. एकूण ६० खेळाडू.
महिलांच्या गोल्फमध्ये अदिती अशोक par+7 चा स्कोर करत ४१वी.

जलतरण : महिला : २०० मी फ्रीस्टाइल १८ वर्षांची शिवानी कटारियाने : २ मि.०९:३० सेकंदांच्या वेळेसह २९ स्पर्धकांत २८वी.
पुरुष : २०० मी बटरफ्लाय : सजन प्रकाश १:५९:३७ मि.च्या वेळेसह २९ स्पर्धकांत २८वा.

जिम्नॅस्टिक्स (मराठी प्रतिशब्द?) दीपा कर्माकरची प्राथमिक फेरीतली कामगिरी :
तिचे स्कोर्स आणि रँक्स
ओव्हरऑल ५१.६६५ (५१) ५७.२६५
अन इव्हन बार्स ११.६६६ (७७)
फ्लोर एक्स. १२.०३३ (७५)
बीम १२.८६६ (६५)
व्हॉल्ट १४.८५० (८)
ती व्हॉल्टच्या अंतिम फेरीत पोचली आहे.
अंतिम फेरीत १५.०६६ च्या स्कोरसह चौथा क्रमांक
पुरुष तिहेरी उडी : रणजीत महेश्वरी १६.१३ लांब उडी मारून ३०वा
महिला २०० मीटर्स धाव : श्रावणी नंदा २३.५८ची वेळ नोंदवत ५५वी.


ज्युडो
: ९० किलो वजनी गटात अवतार सिंग रेफ्युजी ऑलिंपिक टीमच्या खेळाडूकडून राउंड ऑफ ३२ मध्ये ०-५ असा पराभूत

टेनिस पुरुष दुहेरी : पेस-बोपन्ना पहिल्याच फेरीत पोलिश टेनिसपटूंकडून ४-६, ६-७ असे पराभूत.

महिला दुहेरी : सानिया मिर्झा-प्रार्थना ठोंबरे चीनी टेनिसपटूंकडून ६-७,७-५,५-७ अशा पराभूत

मिश्र दुहेरी : सानिया मिर्झा-रोहन बोपन्ना अ‍ॅस्ट्रेलियाच्या समंथा स्टोसर- पीअर्स जोडीला ७-५,६-४ असे नमवीत उपान्त्यपूर्व फेरीत दाखल. अँडी मरे-हीदर वॉटसन जोडीला ६-४,६-४ असे नमवीत उपान्त्य फेरीत दाखल. उपान्त्य फेरीत व्हीनस विल्यम्स राजीव रामकडून २-६,६-२,(१०-३ टायब्रेकर) पराभूत. कांस्यपदकासाठीच्या सामन्यात झेक जोडीकडून १-६,५-७ असा पराभव
टेबल टेनिस :

महिला : मौमा दास पहिल्याच फेरीत चीनी खेळाडूकडून ०-४ अशी पराभूत
मनिका बात्रा पोलिश खेळाडूकडून २-४ अशी पराभूत

पुरुष : सौम्यजीत घोष : थायलंडच्या खेळाडूकडून १-४ असा पराभूत
अचंतअ शरथ कमल : रोमानियन खेळाडूकडून १-४ असा पराभूत
तीरंदाजी : पुरुष : अतनू दास
५ ऑगस्ट रोजी झालेल्या व्यक्तिगत पात्रता फ़ेरीत ७२० पैकी ६८३ चा स्कोर करत अतनुने पाचवा रँक पटकावला.
९ ऑगस्ट रोजी राउंड ऑफ़ ३२ मध्ये त्याने नेपाळच्या मुक्तन जितबहादुरचा ६-० असा आणि राउंड ऑफ़ १६ मध्ये क्युबन तीरंदाजाचा ६-४ असा पराभव केला. आता १२ तारखेला राउंड ऑफ़ ८ मध्ये त्याचा सामना कोरियाच्या Lee Seung-yun शी होईल. १/८ बाद फेरीत कोरियन धनुर्धार्‍याकडून ४-६ असा पराभूत.

भारत यंदा पुरुषांच्या सांघिक स्पर्धेसाठी पात्र ठरू शकलेला नाही.

५ ऑगस्ट रोजी झालेल्या व्यक्तिगत पात्रता फ़ेरीत दीपिका कुमारीने ६४० गुणांसह २०वा, लैशराम बोंबायला देवीने ६३८ गुणांसह २४ वा तर ल़मीराने माझीने ६१४ गुणांसह ४३वा रॅंक पटकावला. पैकी लक्ष्मीचा राउंड ऑफ़ ३२ मध्ये १-७ असा पराभव झाला.
लैशराम बोंबायला देवीने राउंड ऑफ ३२ मध्ये ऑस्ट्रियन खेळाडूचा ६- गुणांनी पराभव केला.राउंड ऑफ १६ मध्ये चायनीज तायपेईच्या खेळाडूला ६-२ गुणफरकाने हरवले.पुढच्या फेरीत मेक्सिकन खेळाडूकडून ४ सेट्समध्ये पराभूत

दीपिकाकुमारीने राउंड ऑफ ३२ मध्ये जॉर्जियन खेळाडूला ६-४ असे तर राउंड ऑफ १६ मध्ये इटालियन खेळाडूला ६-२ असे हरवले.राउंड ऑफ ८ मध्ये ती तैपेईच्या खेळाडूकडून तीन सेट्समध्ये पराभूत झाली.

महिलांनी सांघिक पात्रता फ़ेरीत १८९२ गुणांसह ७वा क्रमांक मिळवला. पण त्या उपान्त्यपूर्व फ़ेरीत रशियाकडून २-३ अशा पराभूत झाल्या.

नेमबाजी :
महिला : १० मी. एअर रायफ़ल : अपुर्वी चंडेला ४११.६ गुणांसह ३४वी , अयोनिका पॉल ४०३ गुणांसह ४७वी. पात्रता फ़ेरीत बाद.
पुरुष : १० मी पिस्तुल : जीतु राय ५८०च्या स्कोरने ६व्या रॅंकसह अंतिम फ़ेरी गाठली. ७८.७ स्कोरसह आठवा आला.
महिला : १० मी.पिस्तुल : हीना संधु ३८०च्या स्कोरसह १४वी. अंतिम फ़ेरी गाठू शकली नाही.
पुरुष : ट्रॅप : मानवजीत सिंग संधू ११५ गुणांसह १६वा. किनन चिनॉय ११४ गुणांसह १९वा दोघेही पात्रता फ़ेरीत बाद.
पुरुष : १० मी एअर रायफ़ल : अभिनव बिंद्रा : पात्रता फ़ेरीत ६२५.७ सह ७वा . अंतिम फ़ेरीत तिसर्‍या क्रमांकासाठी टाय झाल्यावर शूट आउटमध्ये बाद. ४था रँक.
महिला : २५ मि. पिस्तुल : हीना संधु ५७६/६००. ४० स्पर्धकांत २०वी.
पुरुष : ५० मि पिस्तुल : जितु राय ५५४/६०० १२वा प्रकाश नंजप्पा ५४७/६०० २५वा.
५० मि. रायफल प्रोन पोझिशन : गगन नारंग ६२३.१(१३वा) चैन सिंग ६१९.६(३६वा)
स्कीट : पुरुष : मिराज अहमद खान (७२/७५ चा स्कोर १०वा) उरलेल्या दोन फेर्‍यांत ४९/५०. एकंदर १२१च्या स्कोरसह नववा.
२५ मि. रॅपिड फायर पिस्तुल : गुरप्रीत सिंग २८९/३०० - २६ स्पर्धकांत १०वा. आज आणखी एक फेरी होईल.
दुसर्‍या राउंडमध्ये २९२ आणि एकूण ५८१. पात्रता फेरीत गुरप्रीत सातवा आलाय. पहिले सहा शूटर्स फायनलला पोचले.
५० मि रायफल ३ पोझिशन्स : चैन सिंग २३वा आणि गगन नारंग ३३वा

नौकानयन : rowing : men's singles sculls : दत्तू बबन भोकनाळ : हीटमध्ये ७ मिन.२१.६७ सेकंदांच्या वेळेसह उपान्त्यपूर्व फेरीसाठी पात्र.
तिथे कामगिरी सुधारत ६ मिन ५९.८९ सेकंदांची वेळ नोंदवत आपल्या हीटमध्ये चौथा आला. पदकांसाठीच्या स्पर्धेतून बाहेर. एकंदर १३वा रँक.

बॅडमिंटन
महिला दुहेरी : ज्वाला गुट्टा-अश्विनी पोनप्पा अव्वल मानांकित जपानी जोडीकडून १५-२१,१०-२१ अशा पराभूत. नेदरलंडस्च्या जोडीकडून १६-२१,२१-१६,१७-२१ अशा पराभूत .थाय जोडीकडून १७-२१,१५-२१ असा पराभव
पुरुष दुहेरी : मनु अत्री, बी सुमीथ रेड्डी इंडोनेशियन जोडीकडून १८-२१,१३-२१ असे पराभूत. चीनी जोडीकडून
१३-२१,१५-२१ असा पराभव.जपानी जोडीला २३-२१,२१-११ असे हरवले.
महिला एकेरी : पी व्ही सिंधूने हंगेरियन खेळाडूला २१-८,२१-९ अशी मात दिली. कॅनडाच्या खेळाडूला तीन गेम्समध्ये १९-२१,२१-१५,२१-१७ असे हरवले.
राउंड ऑफ १६ मध्ये तैवानच्या ताइ त्झु यिंगचा २१-१३,२१-१५ असा पराभव.
चीनच्या वँग यिहानला २२-२०,२१-१९ अशी मात देत उपान्त्य फेरीत धडक.
उपान्त्य फेरीत जपानच्या ओकुहारा नोझुमीला २१-१९,२१-१० असे नमवीत अंतिम फेरीत दिमाखदार प्रवेश.
पी व्ही सिंधू अंतिम फेरीत स्पेनच्या कोरोलिना मारिनला २१-१९,१२-२१,१५-२१ अशी झुंज देत पराभूत. रौप्यपदकाची मानकरी
सायना नेहवालने ब्राझिलियन खेळाडूला २१-१७,२१-१७ असे नमवले. युक्रेनच्या खेळाडूकडून १८-२१,१९-२१ असा पराभव. आव्हान ग्रुप स्टेजला संपुष्टात.

पुरुष एकेरी : किदंबी श्रीकांतने मेक्सिकन खेळाडूचा २१-११,२१-१७ असा पराभव केला. स्वीडिश खेळाडूला २१-६,२१-१८ असे नमविले. राउंड ऑफ १६ मध्ये डेन्मार्कच्या जान जॉर्गन्सेनला २१-१९,२१-१९ असे हरवून उपान्त्यपूर्व फेरीत धडक. उपान्त्यपूर्व फेरीत लिन डानकडून ६-२१,२१-११,१८-२१ असा पराभूत.
मुष्टियुद्ध : ७५ किलो (मिडल वेट) वजनी गटात विकास क्रिशन पहिली फेरी जिंकून शेवटच्या १६ खेळाडूंत पोचला.तुर्कस्थानच्या मुष्टियोद्ध्याला नमवून उपान्त्यपूर्व फेरीत दाखल. तिथे उझ्बेकिस्तानच्या बॉक्सरकडून ०-३ असा पराभूत
६४ किलो - वेल्टरवेट गटात मनोज कुमार पहिल्या फेरीत २-१ असा विजय मिळवून शेवटच्या १६ मुष्टियोद्ध्यांत दाखल. उज्बेकिस्तानच्या मुष्टियोद्ध्याकडून ०-३ असा गुणांवर पराभव

भार-तोलन अर्थात वेटलिफ्टिंग :
महिला ४८ किलो वजनी गटात मीराबाई चानू क्लीन & जर्क प्रकारात एकदाही वजन उचलू न शकल्याने स्कोर न नोंदवताच स्पर्धेबाहेर.स्नॅच प्रकारात ८२ किलो वजन उचलले.
७३ किलो वजनी गटात सतीश शिवलिंगम ३२९ किलो वजन अचलून १४ भारतोलकांत ११वा आला.

हॉकी : पुरुष :आयर्लंडला ३-२ असे हरवले. जर्मनीकडून १-२ पराभूत , अर्जेंटिनाला २-१ असे हरवले. नेदरलंड्सकडून १-२ पराभव कॅनडा २-२ बरोबरी. उपान्त्यपूर्व फेरीत बेल्जियमकडून १-३ असा पराभव

महिला : जपानशी २-२ बरोबरी; ग्रेट ब्रिटन ०-३ पराभव ऑस्ट्र्लिया १-६ पराभव अमेरिकेकडून ०-३ पराभव अर्जेंटिना ०-५
.

शब्दखुणा: 
Group content visibility: 
Public - accessible to all site users

इन्टरेस्टिंग व्यु: http://www.rediff.com/sports/column/population-size-has-nothing-to-do-wi...

हंगेरी जिचे क्षेत्रफळ महाराष्ट्राच्या १/३ आहे आणि लोकसंख्या १ कोटीपेक्षा कमी ती ८ सुवर्णपदकांसह पॉवर हाउस ऑस्ट्रेलिया आणि साउथ कोरीया यांच्याबरोबरीने (अधिक नेदरलँड्स, इटली) पदकतक्त्यात आहे.
एकेकाळचे रनिंगचे माहेरघर फिनलंडने १ कांस्यपदक मिळवले आहे. तीच कथा नॉर्वेची आणि ऑस्ट्रियाची आहे. फिनलंड, नॉर्वेमध्ये चुकून एखादा ओबड धोबड पोट सुटलेला माणुस दिसेल. या देशातील जवळपास प्रत्येक जण रोज काही ना काही व्यायाम करतो, उन्हाळ्यात वाटते की देशातील प्रत्येक नागरिक रस्त्यावर पळतो आहे. जर्मनी १७ सुवर्ण पदकांसह १७व्या क्रमांकावर तर ऑस्ट्रियाने १ कांस्यपदक मिळवले आहे. आता जर्मनी आणि ऑस्ट्रियामधल्या क्रिडा संस्कृतीत इतका फरक असेल?

मग नक्की काय कारण असेल? जिंकण्याची सामुहिक, वैयक्तिक जिद्द? मोटिव्हेशन? परिस्थिती? खूप गुंतागुंतीचं किंवा खूप साधं सरळ आयुष्य?

उन्हाळ्यात वाटते की देशातील प्रत्येक नागरिक रस्त्यावर पळतो आहे.>>>> इथे माणूस सकाळी उठताच पोटासाठी पळत सुटतो.

काही काही लोक पोटासाठी म्हणजे पोट कमी करण्यासाठीसुद्धा पळत असतात.

वरची लिंक वाचायला आत्ता वेळ नाही. पण गेले काही दिवस मनात घोळणारा प्रश्न .
सुवर्णपदकांच्या संख्येनुसार क्रम
बीजिंग २००८ : चीन, अमेरिका, ब्रिटन, जर्मनी , ऑस्ट्रेलिया
लंडन २०१२ अमेरिका, चीन, ब्रिटन, रशिया, द.कोरिया, जर्मनी
रियो २०१६: अमेरिका, ब्रिटन, चीन, रशिया, जर्मनी, जपान

चीनच्या या कामगिरीला घसरण म्हणायचं का? आणि ती चीनच्या आर्थिक क्षेत्रातल्या कामगिरीशी पॅरॅलल आहे का?

भारताने (अधिकाधिक संख्येने खेळाडू पाठवण्यात समाधान न मानता) ज्या क्रीडाप्रकारांत पदके मिळायची शक्यता अधिक आहे त्यांवरच अधिक लक्ष द्यावं का?

नेमबाजी, तीरंदाजीत अन्य स्पर्धांत चमकदार कामगिरी करणारे भारतीय खेळाडू ऑलिंपिकमध्ये का फिके पडतात? दुसर्‍या देशांचे खेळाडू आपलं बेस्ट ऑलिंपिकसाठी राखून ठेवतात किंवा आपण ऑलिंपिकच्या वेळीच पीक पर्फॉर्मन्स करू असं ट्रेन करतात?

काही काही लोक पोटासाठी म्हणजे पोट कमी करण्यासाठीसुद्धा पळत असतात.>>> Lol

दुसर्‍या देशांचे खेळाडू आपलं बेस्ट ऑलिंपिकसाठी राखून ठेवतात किंवा आपण ऑलिंपिकच्या वेळीच पीक पर्फॉर्मन्स करू असं ट्रेन करतात?>>> असं राखून का ठेवायचं? Uhoh

राखून ठेवणं म्हणजे आपला सर्वोत्कृष्ट प्रयत्न ऑलिंपिकमध्ये असेल हे पाहणं. यात प्रतिस्पर्ध्यांना सरप्राइज करणं हाही भाग असू शकेल.
एक ललिता बाबर सोडली तर आपल्या कोणाही खेळाडूने आपली वैयक्तिक सर्वोच्च कामगिरी ऑलिंपिकमध्ये नोंदवली नाही. जिथे प्रत्येकाला आपला आपला खेळ करायचा असतो अशा खेळांबद्दल. बॅडमिंटन, कुस्ती, इ. नव्हे.

Pages