नागराज कमर्शियल मंजुळेंचा पसरट 'सैराट' (Movie Review - Sairat)

मलाही ते खटकलं होत आणि मुख्य वस्तीत दिवसा ढवळ्या दार उघडे टाकून असा प्रकार होतो तेव्हा शेजारी कुणाला कळत नाही? आरडा ओरडा तर नक्कीच केला असणार ना?

शेवट अजिबात पटला नाही. आशुचँप म्हणतात तसं दिवसाढवळ्या असा प्रकार होतो आणि कुणालाच काही कळत नाही. असो. ते दिग्दर्शकाला दाखवायचे नसेल.

पण लहान मुलाची रिअ‍ॅक्शन....
यापुढे जाउन ह्या चित्रपटातुन मंजुळेंना नेमके काय म्हनायचे आहे? असे प्रकार महाराष्ट्रात त्यामानाने कमी आहेत, ते वाढावे? ऑनर किलिंगला ग्लॅमर देण्याचा नेमका हेतु काय? का अवार्ड वगैरे करिता केलय हे.
त्यापेक्षा ऑनर किलिंग कसं टाळता आलं असतं ह्यावर विचार केला असता, तर ..... अधिक बरं झालं असतं. मुळातच वाईट प्रवॄत्ती लौकर पसरते, ती पुन्हा चित्रपटातुन दाखवण्यात काय मतलब.

बाकी शिवाजी महाराजाचा फोटो लावणारे, त्यांचे आदर्श घेतातच असे नाही, हे दिद्गर्शकाला दाखवयाचे असेल.

यापुढे जाउन ह्या चित्रपटातुन मंजुळेंना नेमके काय म्हनायचे आहे? असे प्रकार महाराष्ट्रात त्यामानाने कमी आहेत, ते वाढावे? ऑनर किलिंगला ग्लॅमर देण्याचा नेमका हेतु काय? का अवार्ड वगैरे करिता केलय हे.>> असहमत.

महाराष्ट्रात तुलनेने कमी होत असेल, पण म्हणून ऑनर किलिंगचे भयाण वास्तव आपल्या आजूबाजूलाही आहे, हे नजरेआड करता येत नाही. मंजुळेंनी शेवटच्या दृश्यात त्याचे उदात्तीकरण नव्हे, तर अशा बिनबुडाच्या अन खोट्या अहंकारापायी होणार्या हत्यांचे फोलपण दाखवले आहे.
केवळ प्रतिष्ठेच्या अनाग्रहापायी एका चिमुकल्याचे आयुष्य उध्वस्त होते , हे पाहून अशा प्रकारची कृत्याबद्दल झालीच तर घृणाच निर्माण होईल. यात कोणीही सरळ बुद्धीचा माणूस उदात्तीकरण शोधणार नाही.

हृदय हेलावणार्या त्या दृश्यामुळे एखाद-दुसर्या दुजाभाव जपणाऱ्या मनास पाझर फुटला, अन आपल्याच मुलांवर आपण विनाकारण किती अन्याय करतो, याची जाणीव झाली तरी त्या दृश्याचे सार्थक होईल. कदाचित हाच उद्देश मंजुळेंनी ठेवला असावा.

बाकी शिवाजी महाराजांच्या तसबिरीबद्दल सहमत. परक्या स्त्रियांचा सुद्धा ज्यांनी योग्य तो सन्मान ठेवला, त्यांच्या अनुयायांना घरच्या स्त्रीबद्दल जराही आदर नसावा, यापेक्षा मोठा विरोधाभास कुठला?

>>मुळातच वाईट प्रवॄत्ती लौकर पसरते, ती पुन्हा चित्रपटातुन दाखवण्यात काय मतलब.

श्श्श्श्शू SSS हे असल भलत सलत बोलू नका. कारण हे कळण्याच्या पलिकडे गेले आहेत बहुसंख्य लोक.

आणि काही लोक कळण्याच्या वयात पण आलेले नाहीत. त्यांच्या भाबड्या मनाला धक्का लागतो असे काही बघून

प्रतिसाद संपादीत

बापरे, आता हा एक नवीन चैनल.

कुठून असे थोर थोर विचार येतात मनात. उद्या आता त्यांनी आठ लग्ने केली म्हणजे ते पुरुषसत्ताक पद्धतीचे समर्थक होते असेही येईल.

साष्टांग दंडवत

स्पॉइलर
==============
==============
==============
==============
==============
==============
चित्रपट पाहिला नाही.पण इथल्या सर्व पोस्ट वाचून शेवट पाहिला.चार पाच माणसे असतील तर बेसावध असलेल्या दोन माणसांना आरडा ओरडा व्हायच्या आत मारु शकतात.ती दोघे आधी 'आता सगळं सुरळीत झालं' म्हणून आनंदी दाखवली आहेत.दिग्दर्शकाचा मूळ हेतू ज्या कोल्ड ब्लडेड प्रकारे दोघांच्या घरात येऊन भेटी वगैरे देऊन चहापाणी पिऊन थंडपणे दोघांना मारुन जाणे हे दाखवण्याचा आहे तो यशस्वी होतो.डोक्याला मुंग्या येतात.पोर आईबाबांना हलवताना दाखवायला आधी हवं होतं हे पटलं. पण कधीकधी लहान मुलांना आपण समजतो त्यापेक्षा लवकर परिस्थितीचं आकलन होतं.तसंच इतका लहान मुलगा 'आता तुझा तू घरात जा' म्हणून बाईने लांबून सोडलेला पटला नाही.
इतकी लहान मुलं आई बापांना प्रत्यक्ष हँड ओव्हर केली जातात किंवा उचलून घरात तरी ठेवली जातात.
एकंदर 'टिनेज रोमान्स' पेक्षा लोकांनी यातून 'सर्व जागाविरुद्ध जाण्यात जीवाचा धोका असेल तर अशी गुंतवणूक टाळा' हा संदेश घेतला तर बरं.

संपादित.

आता खरी चर्चा सुरू झाली. चित्रपटाचे हे यश खरे

सैराट -इफेक्ट‬ पहा घ्या आदर्श... पळून गेलेल्या जोडप्यास बोलावून घेऊन लग्न लाऊन दिले...!!

आष्टी : (10 मे, मंगळवार) आष्टी तालुक्यातील 'आष्टा' या गावातील एक जोडपे (मुलगी मराठा- मुलगा मातंग) सुमारे सहा महिन्यांपूर्वी प्रेम संबंधातून गावातून पळून जाऊन पुणे येथे स्थाईक होते.. सैराट पाहिल्यानंतर मुलीच्या भावाने गावातील ग्रामस्थांच्या मदतीने त्यांचा शोध घेऊन त्यांना बोलावून घेऊन (09 मे रोजी) रीतसर लग्न लाऊन दिल्याची घटना घडली आहे.. पंचक्रोशीतून या घटनेचे कौतुक होताना दिसत आहे..

त्यासोबत त्याच गावातील आणखी एक जोडपे (माळी-मुस्लिम) मुंबईला गेले आहे, त्यांना बोलावून घेण्याचे प्रयत्न मध्यस्थांकरवी चालू असल्याचे समजते...

Post by.. Harshal Jadhav
सैराट_इफेक्ट
https://www.facebook.com/nilesh.kalaskar2/posts/1076517249089238?pnref=s...

सैराट पाहील्याने कुसंस्कार होतील असे न पाहता सांगता येणा-या महामानवांसाठी खूषखबर

या शुक्रवारी खास या युगपुरुषांसाठी सनी लहाने यांचा वन नाईट स्टँड हा सिनेमा रिलीज होत आहे. लाभ घ्यावा ही नम्र विनंती.

चैत्रगंधा

तुम्ही म्हटल्याप्रमाणे त्या वेळेला तसं वाटलं होतं. पण हल्लीच्या लहान मुलांची समज जास्त असते असं वाटतं. खरं तर त्या एव्हड्याशा त्रुटीकडे दुर्लक्षही करता येईल, हलवून पाहीलं असतं इतकंच त्या सीन मधे अ‍ॅड करायचं होतं.. बाकी ठीकच आहे ना ?

तुमच्या या कमेण्टमुळे इतरत्र सिनेमा न पाहून त्याने कुसंस्कार होतो असं म्हणणा-या दोन आयडींनी नागराज मंजुळेने अनेकांना शेंडी लावलेली आहे. बरं झालं पाहीला नाही. हजारो मूर्खांनी बरोबर आहे असं म्हटलं म्हणून चूक बरोबर होत नाही अशा अर्थाचं एक विदेशी वचन सुद्धा चिकटवलंय.
(हा तुमचा दोष नाही, फक्त अनुभव शेअर केला).

सैराट न पाहताच लोक पिसाळलेत हेच चित्रपटाचे यश

हो ते मुलाच्या रिअ‍ॅक्शनबद्दल मलाही असं वाटलं की ते जवळ का जात नाही आईबाबांच्या? पण मुलं कधीकधी खूप सेन्सिटिव्ह असतात. ती असं वागू शकतात. तितका बेनिफिट ऑफ डाऊट दयायला हरकत नाही.

रक्त नक्कीच कळतं. शिवाय आई बाबा नेहमीसारखे झोपलेले नाहीत आणि रक्त सांडलंय यामुळे मूल घाबरून रडू शकतं.. आई बाबा दिसले नाहीत तरी मूल रडतं की !

सगळं खरं पण हे सगळं दोन किंवा अडीच वर्षाच्या मुलाकडून कॅमेरा समोर करून कसं घेणार ?
आणि तो त्याचे खरे आई वडील नसलेल्या नट नटी कडे जाऊन हे सगळं कसं करेल ?

अतरंगी... करेक्ट !!

एकंदर मंजूळेंमुळे पितरांच्या कर्तृत्वावर स्वतःला मोठे समजणार्या वर्गाचा अहम् जबरदस्त दुखावला जातोय.

वास्तववादी सिनेमा..
आमच्या कोकणात जात-पात कोणी फारसे मानत नाहीत, पण महाराष्ट्रातच काही ठिकाणी असले प्रकार खुप चालतात.

एकंदर मंजूळेंमुळे पितरांच्या कर्तृत्वावर स्वतःला मोठे समजणार्या वर्गाचा अहम् जबरदस्त दुखावला जातोय.

वास्तववादी सिनेमा..
आमच्या कोकणात जात-पात कोणी फारसे मानत नाहीत, पण महाराष्ट्रातच काही ठिकाणी असले प्रकार खुप चालतात.

मिललआमच्या कोकणात जात-पात कोणी फारसे मानत नाहीत, पण महाराष्ट्रातच काही ठिकाणी असले प्रकार खुप चालतात.

ककै च्या कै! कोकणात पण आहे हे सर्व
वेळ मिळतताच लिहिन

कोंकण महाराष्ट्रात आहे का?

स्वतंत्र कोकण झालाच पाहिजे.

मायबोली पण स्वतंत्र झालीच पाहीजे!

लहान मुलाने अमुकतमुकच वागले पाहिजे असा तर्क अनाकलनीय आहे.
ईतरांची मुले कशी खातात, खेळतात, मस्ती करतात, छान छान कविता बोलतात, चित्र काढतात. पण माझाच मुलगा असा का नाही अशी जी तुलना पालकांकडून होते ते याचमुळे.. एवरी चाईल्ड इज डिफरंट हे समजून घ्या रे..

कोकण काय भारताबाहेर आहे का ?
जातपात फारशी मानत नाहीत, तरी पण थोडीशी का होईना मानतातच ना ?

मागे कोकणात कसे सवर्ण लोकांच्या विहिरीवर बाकी लोकांना कसे पाणी भरू दिले जात नाही याचा किस्सा माबो वर लिहिला होता.

भारतात असे शहर किंवा गाव नाही जिथे लोक जात मानत नाहीत. आपल्या सर्वांच्या डोक्यात जात पक्की बसलेली आहे.

गावात सर्वानी जातीच्या रेषा मान्य केल्या आहेत, त्या तोडण्याचे परिणाम माहित असतात. त्यामुळे न बोलता सीमारेषा पाळल्या जातात. पण याचा अर्थ असा होत नाही कि लोकं जातपात मानत नाहीत.

आमच्या ऑफिसमधील एका बाईने म्हटले होते की मी हा सिनेमा पहाणार नाही,कारण त्याचा शेवट वाईट असल्यामुळे
पुढचे ८ दिवस ती झोपू शकणार नाही.पण रविवारी सिनेमा पाहून आली.कसा वाटला विचारल्यावर म्हणाली चांगला आहे.नवीन पिढीला शिकण्यासारखे आहे यातून,प्रेम केले तर कसे रहावे लागते.त्यामुळे हा धोका पत्करू नये. आर्चीला कशी आपल्या घरातील सुखसोयींची आठवण येत होती.
हे सगळे ऐकून कपाळाला हात लावणेच शक्य होते.

देवकी, तो पण अँगल आहेच की सिनेमाला.
कथेचा गाभा honour killing असला तरी प्रेमात वाटते तितके आयुष्य गुलाबी नसते हेपण दाखवतोच की सिनेमा. कथेच्या सोयीसाठी परश्या आर्चीवर परत हात उगारत नाही. पण त्याने तसं केलं असत तर आर्चीची ना घर का ना घाट का अशी अवस्था झाली असती. शिक्षण नाही. जोडीदार धड नाही. घरच्यांचा सपोर्ट नाही. दुर्दैवाने अशी अर्ची रिअल लाईफ मध्ये जवळून बघितली आहे. हेच परशाला पण लागू होते.
थोडक्यात, honour killing वाईट, भयंकरच. त्याला माफी नाहीच. पण पहिले शिक्षण पूर्ण करा आणि स्वत:च्या पायावर उभं रहा.