'फॅण्ड्री' च्या शेवटी जब्या आणि त्याचं पूर्ण कुटुंब डुक्कराच्या मागे लागलेले दाखवले आहेत. त्यांची आणि डुक्कराची ती धडपड, पळापळ बराच वेळ चालते. पळून पळून जब्याचा बाप इतका दमतो की त्याच्या अक्षरश: छातीचा भाता होतो. ही सगळी पळापळ हळूहळू करत जब्याच्या शाळेभोवतीच्या परिसरात येते. मग जब्या त्याचे सवंगडी आणि 'ती'च्यापासून स्वत:चं तोंड लपवण्याचा अयशस्वी प्रयत्न करत राहतो. त्या प्रयत्नात १-२ वेळा पकडता येऊ शकणारं डुक्कर निसटतं. बाप खूप शिव्या घालतो. अखेरीस जब्या परिस्थितीला शरण जातो आणि आपलं हे अस्तित्व स्वीकारतो. त्याची लव्ह स्टोरी त्याच्या कधीही न वाचल्या जाऊ शकणाऱ्या एका कागदोपत्री फुटकळ इतिहासात जमा होते आणि त्या लव्ह स्टोरीचा पूर्णविराम म्हणून तो एक दगड थेट आपल्याकडे - कॅमेऱ्याच्या दिशेने - फेकतो. कहाणी संपते. बराच वेळ चाललेला डुक्कर पकडण्याचा प्रसंग ठळकपणे लक्षात राहतो. लक्षात राहते जब्याची केविलवाणी धडपड आणि त्याच्याहीपेक्षा केविलवाणा त्याचा बाप. 'फॅण्ड्री' मधला हा शेवटचा प्रसंग चालतो बराच वेळ, पण तरी तो लांबलेला वाटत नाही. किंबहुना 'फॅण्ड्री' एकूणच ची लांबी हे त्याचं एक बलस्थानच होतं. जेमतेम शंभर मिनिटं - साधारण पावणे दोन तास फक्त - चालते ती कहाणी.
'फॅण्ड्री' चं अजून एक बलस्थान होतं 'नाविन्य'. ती एक अशी कहाणी होती, जी कुणी कधी ह्यापूर्वी सांगितली नव्हती. कुणाला ते कदाचित पेलणारंच नव्हतं. 'हे दाखवून काय मिळणार आहे', असाच विचार त्यामागे असावा, कारण ती कहाणी कुणाला माहित नव्हती किंवा कुणी पाहिलेली नव्हती, असं तर नक्कीच नव्हतं. नागराज मंजुळेंनी ते आव्हान पेललं. मी असं म्हणणार नाही की, 'त्यांनी तो धोका पत्करला.' त्यांना त्यात धोका वगैरे वाटायचा प्रश्नच नव्हता. कारण काही कमवण्यासाठी ती कलाकृती नव्हतीच, त्यामुळे काही गमवण्याचा किंवा न कमवण्याचा धोकाच उद्भवत नाही.
'फॅण्ड्री'मध्ये मला काय आवडलं असं मला कुणी विचारलं, तर उत्तर सोपं आहे. 'उत्कटता.' आणि ही जी उत्कटता 'फॅण्ड्री'त आहे, ती माझ्या मते तरी वरील दोन कारणांमुळे आहे.
'सैराट' ह्याच दोन बाबतींत 'फॅण्ड्री'समोर खूपच कमी पडतो.
तब्बल तीन तासांची लांबी, 'सैराट'ला खऱ्या अर्थाने पसरट करते. सुरुवातीच्या कमीत कमी एक तासाच्या चित्रपटाला जर पूर्णपणे कापून टाकलं असतं, तर काय झालं असतं, असा एक विचार मनात येतो. हा एक तास - सव्वा तासाचा सिनेमा चक्क रवी जाधवांनी केलेला वाटतो. ह्या तास - सव्वा तासात मिसरूड फुटलेली पोरं टवाळक्या करतात. समवयस्क मुलींवर लाईन मारतात. ह्या तास - सव्वा तासात किती तरी वेळा नायक-नायिका एकमेकांशी फुल्ल फिल्मी नजरानजर करतात. म्हणजे बाजूनी जाता जाता नजरा भिडवणे वगैरे..! लव्ह लेटर्स दिली जातात आणि टाका भिडतो.
मग अजय-अतुलच्या ट्रेडमार्क स्टाईलच्या बुंगाट गाण्यावर पब्लिक झिंगाट नाचतं आणि त्यानंतर खरा सिनेमा सुरु होतो.
इथून पुढचा सिनेमा क़यामत से क़यामत तक़, इशक़जादे, साथिया अश्या काही सिनेमांचं 'सुधारित मिश्रण' आहे. QSQT मध्ये खानदानी दुष्मनी असते, इथे जातीय भेद. QSQT मध्ये नायिकेकडच्या एका कौटुंबिक सोहळ्याच्या वेळी प्रेम प्रकरण उघडकीला येतं, इथेही तसंच. QSQT मध्ये दोघे जण पळून जातात आणि एका तात्पुरत्या घरात आश्रय घेतात, तेव्हा समजतं, नायिकेला तर चहासुद्धा करता येत नाही, इथेही तसंच. मग जसं 'साथिया'मध्ये नायक-नायिकेत अहंकार आड येऊन दुरावा निर्माण होतो, तसा इथेही काही मिनिटांसाठी होतं. कहाणी अपेक्षित वळणांनी अपेक्षित शेवटापर्यंत जाते. ह्या सगळ्या प्रवासात छोटे-छोटे फिल्मी योगायोगही बरेच जुळून आलेले आहेत. पळून जाण्यासाठी किनाऱ्यावर एक unattended मोटारबोट तयारच असणं, (पहिल्या वेळेस) भरपूर चोप मिळालेला असतानाही कुठे जखमा नसणं, (दुसऱ्या वेळेस) गुरासारखा मार खाऊनही किरकोळ जखमांसह पळ काढू शकणं, ज्या रस्त्याने गाडी जाणार आहे, त्याच्या बाजूलाच पोरांना बदडणं की अगदी लगेच दिसून यावं, वगैरे.
'सैराट'च्या संगीताचीही एक हवा आहे. 'अजय-अतुल' ने धूम मचवली असली, तरी सगळ्याच गाण्यांवर त्यांच्याच कुठल्या न कुठल्या गाण्याची (नेहमीप्रमाणे) छाप दिसतेच. 'झिंगाट' गाण्यावर बेभान होऊन नाचणारं अख्खं सिनेमागृह मी पाहून आलो आहे. अनेक दिवसांनंतर अशी जादू कुणी केली आहे. ह्या 'X-factor' बद्दल तर वादच नाही. गाण्यांचं संयोजनही केवळ अफलातून झालं आहे. 'हॉलीवूड'मध्ये संगीत संयोजन केलं गेलेला हा पहिला भारतीय चित्रपट आहे. भरमसाट वाद्यांचा मेळ कसा असतो, हे समजून घेण्यासाठी भन्साळीने इकडे शिकवणी लावावी म्हणतो ! कुठेही कर्णकर्कश्य न होताही सांगीतिक भव्यता कशी असते, हे 'सैराट'ची गाणी दाखवतात. खास करून 'सैराट झालं' आणि 'याड लागलं' मधला वाद्यमेळ तर ऐकावाच.
'ऑनर किलिंग' ही उत्तर भारताच्या बऱ्याच भागांतली एक भीषण समस्या आहे. गुन्हेगारी जगतातल्या सत्यघटनांवर आधारित एका कार्यक्रमात अशीच एक कहाणी मागे पाहिली होती. 'सैराट'चं कथानक त्या सत्यघटनेवर बेतलेलं आहे. कहाणीतली सगळी वळणं आधीच कळून येतात. शेवटही माहितच असतो, पण अचूक नेम साधून शेवटाचा दगड थेट भिरकावण्याचं नागराज मंजुळेंचं कौशल्य व्यावसायिकतेचा कीडा चावल्यावरही अबाधित आहे. हा शेवट पायाखालची जमीन, डोक्यावरचं छप्पर, बुडाखालची खुर्ची सगळं बाजूला करतो. पोटातली आतडी पिळवटतो आणि डोक्यातला मेंदू बधीर करतो. डोळे थिजतात, हात-पाय गारठतात आणि ओठांना कंप सुटतो. केवळ ह्या शेवटासाठी दिग्दर्शक मंजुळे हवे होते, बाकीच्या पसाऱ्यासाठी कुणीही, अगदी कुणीही चाललं असतं.
समजा, हा चित्रपट 'फॅण्ड्री' वाल्याचा नसता, दुसऱ्या कुणाचा असता तर ?
तर हा एक महान चित्रपट असता. कितीही काहीही म्हणा, कुणी केलंय ह्यावर त्याचं मूल्यमापन ठरतंच ठरतं. जो मुलगा अभ्यासूच आहे, तो जर पहिल्या ऐवजी दुसऱ्या क्रमांकावर आला तर ते जास्त धक्कादायक असतं आणि काठावर पास होणारं एखादं दिवटं टपकलं, तरी विशेष काही घडलेलं नसतंच ! मंजुळेंचा दुसरा क्रमांक आला आहे, हे धक्कादायक आहे.
तीन तासांपैकी फक्त पाच मिनिटं मंजुळे दिसतात, एरव्ही दिसत नाहीत ही चित्रपटाची दुसरी शोकांतिका आहे. 'नागराज कमर्शियल मंजुळे' मला तरी पाहायचा नव्हता, इथून पुढेही पाहायचा नाहीय. त्यासाठी त्यांना किशोरवयीन प्रेम ह्या आजच्या मराठी चित्रपटाच्या जिव्हाळ्याच्या विषयापासून जरा वेगळं व्हावं लागेल. कारण आत्तापर्यंतच्या त्यांच्या दोन्ही चित्रपटांत हा समान धागा आहे.
नवीन चेहरे आकाश ठोसर आणि रिंकू राजगुरू आश्वासक आहेत. नायिकेच्या भूमिकेसाठी एखादा चिकना चेहरा न निवडता रफ अॅण्ड टफ रिंकू निवडणं हा मास्टरस्ट्रोक होता. आकाश ठोसरसुद्धा एकदम मातीतला वाटतो. त्याच्या डोळ्यात एक प्रकारची निरागसता आहे. दोघेही फ्रेश असल्यामुळे कुठेही ते व्यक्तिरेखेच्या पुढ्यात येत नाहीत. नायकाच्या मित्रांच्या भूमिकेतल्या दोघांची नावं नीट कळू शकली नाहीत. (क्षमस्व) सुरेश विश्वकर्मा, सुरज पवार आणि तानाजी गालगुंडे ह्यांपैकी दोघे असावेत आणि उरलेला नायिकेचा भाऊ ! दोघा मित्रांची कामंही जबरदस्त झाली आहेत. खासकरून लंगड्या प्रदीपचं काम खूपच मस्त !
'सैराट' एकदा पाहण्यासारखा आहे. पण नागराज मंजुळेंचा चित्रपट म्हणून पाहिल्यास अपेक्षाभंग हमखास आहे. काही वेळेस संवेदनशील मनाला व्यावसायिकतेचीही एक दुसरी बाजू असते, हे एक नव्याने शिकता येऊ शकेल.
रेटिंग - * * १/२
- रणजित पराडकर
http://www.ranjeetparadkar.com/2016/04/movie-review-sairat.html
प्रामाणिक प्रतिक्रिया येत
प्रामाणिक प्रतिक्रिया येत आहेत>>
ह्या प्रामाणिकची व्याख्या करणं लै अवघड हाये बघा!! म्हणजे कसं की जसं सगळ्यांना आपापल्या पक्षाचे नेते प्रामाणिक वाटतात नैका..
अभिषेक, तुझी भावना कळतेय पण
अभिषेक,
तुझी भावना कळतेय पण नताशा म्हणते ते बरोबर आहे.
याशिवाय त्याला अजून एक संदर्भ आहे तो म्हणजे महापुरुषांना विशिष्ठ जातीत बांधण्याचा. कोणत्या सवर्णाच्या घरात कधी आंबेडकरांचा फोटो पहिला होतात का ? अजून अशी अनेक उदाहरणे देता येतील, असो. जास्त विषयांतर होईल
तुझी भावना कळतेय पण नताशा
तुझी भावना कळतेय पण नताशा म्हणते ते बरोबर आहे.
याशिवाय त्याला अजून एक संदर्भ आहे तो म्हणजे महापुरुषांना विशिष्ठ जातीत बांधण्याचा. कोणत्या सवर्णाच्या घरात कधी आंबेडकरांचा फोटो पहिला होतात का ? अजून अशी अनेक उदाहरणे देता येतील, असो. जास्त विषयांतर होईल>>> हो बरोबर, हे असे फोटो दाखवून शिवाजी महाराजांच्या बद्दलची आमची निष्ठा काय कमी होणार...जाऊदे विषयांतर नको ...येथील लोकांचा शिवरायांबद्दल चा आदर बघून बरे वाटलं
तुमचा ऐकट्याच नव्हे कुणाचाच
तुमचा ऐकट्याच नव्हे कुणाचाच कमी होणार नाहीए आदर महाराजांबद्दल.
आणि येथील लोक म्हणजे काय
आणि येथील लोक म्हणजे काय परग्रहावरून आलेत काय?
सॉरी...येथील म्हणजे माबो
सॉरी...येथील म्हणजे माबो वरचे लोक..मी हुशार झालोय की बाकीचे लोक ढ झालेत कळेना झालय
माबोवरचे लोकही परग्रहावरून
माबोवरचे लोकही परग्रहावरून आलेले नाहीत. तेही तुमच्याच आजूबाजूला राहतात.
तुमच्या हुशारीबद्दल काही कल्पना नाही. बाकी लोक ढ झाले असावेत पण बहुदा हुशार लोकांचे थोर विचार ऐकून
तुझा प्रतिसाद वाचून माझ्या
तुझा प्रतिसाद वाचून माझ्या मनात पण आशुचॅम्प ने लिहिले आहे तसेच काहीसे आले. तुझ्या प्रतिसादामधील शब्दरचना तशी आहे. तुला म्हणायचे असेल दुसरे काहीतरी पण प्रतिसादामधून वेगळेच वाटते.
येथील म्हणजे आता तुम्ही काय
येथील म्हणजे आता तुम्ही काय अर्थ घेतला माहिती नाही पण ....क्षमस्व हुशार ढ असच गमतीत म्हणालो ..तुम्हाला वाटले म्हणजे काहीतरी चूक असेलच...पुढच्यावेळी लक्षात ठेवेन
>>तुम्हाला वाटले म्हणजे
>>तुम्हाला वाटले म्हणजे काहीतरी चूक असेलच
माफ करा पण अंमळ गंमतीदार वाक्य आहे त्यामुळे हसू आले.
महेश >>मग आता काय बोलणार.?
महेश >>मग आता काय बोलणार.? प्रत्येक वेळी शब्दशः अर्थ काढायला गेल्यावर विपर्यास हा होणारच
तुम्हाला वाटले म्हणजे काहीतरी
तुम्हाला वाटले म्हणजे काहीतरी चूक असेलच... >>>
प्रगती आहे...
चूक असावी अशी अंमळशी शंकाही तुमच्या मनात आली आणि तुम्ही बोलून दाखवलीत हे ही नसे थोडके.
अजून सर्टीफाईड व्हायला बरीच मजल मारावी लागणार आहे तुम्हाला असे दिसते
अजून सर्टीफाईड व्हायला बरीच
अजून सर्टीफाईड व्हायला बरीच मजल मारावी लागणार आहे तुम्हाला असे दिसते>> तुम्ही अशीच मदत केली तर नक्कीच लवकरच सर्टिफाइड होईन मी....
याच्यात काही चूक नाहीये ना ?
नवीन पाखराचं रॅगिंग चालू आहे
नवीन पाखराचं रॅगिंग चालू आहे का ?
छे हो एवढे कुठले भाग्य
छे हो एवढे कुठले भाग्य
नवीन पाखराचं रॅगिंग चालू आहे
नवीन पाखराचं रॅगिंग चालू आहे का ?>> स्मित...काय इलाज नाही
भाग्य वाला प्रतिसाद तुमच्या
भाग्य वाला प्रतिसाद तुमच्या वाक्यानतर चुकुन आला बर का रसप....
अर्थाचा अनर्थ झाला....
सावंत - तुम्ही स्वताला नविन, त्यातून पाखरू म्हणवून घेणे म्हणजे जरा अगदीच बरं का.....
हुशार आहात इथपर्यंत ठीक होतं
आशु मी कुठे म्हणतोय
आशु मी कुठे म्हणतोय राव....काय इलाज नाही एवढंच म्हणालो....यातून पण वेगळा अर्थ निघत असेल तर...मी हतबल आहे
शिवभक्त म्हणजे काय??
शिवभक्त म्हणजे काय??
विठ्ठल विपु बघा इथं विषयांतर
विठ्ठल विपु बघा इथं विषयांतर नको
हा आयडी नविन असला तरी मागच्या
हा आयडी नविन असला तरी मागच्या जन्मी ते मावळा असतील आणि एखाद्या लढाईत शहिद झाले असतील असे का वाटत आहे ?
येथे दिवा घेणे = टेक इट लाईटली
महेश मागच्या जन्माचे माहीत
महेश मागच्या जन्माचे माहीत नाही पण या जन्मी पण मी शिवरायांचा मावळाच आहे ...
ओ, सावतानु तुमचा काय चलला हा!
ओ, सावतानु तुमचा काय चलला हा!
जे काय चल्ला हा ते भयानक
जे काय चल्ला हा ते भयानक असां! सावतानु
काइतरी करूक होया
काइतरी करूक होया
एकाच वेळी सैराट चे दोन-तिन
एकाच वेळी सैराट चे दोन-तिन धागे निघाल्या मुळे पसरट सैराट वाचायचा राहिला होता.
झाला एकदाचा वाचुन
छान आहे सिनेमा.
सैराट विरुद्ध कॅम्पेन
सैराट विरुद्ध कॅम्पेन उघडलेल्या एका जातीयवादी फेसबुकी ग्रूपवरून साभार..
त्यांच्या पोस्टिपेक्षा नावच
त्यांच्या पोस्टिपेक्षा नावच लाम्बलचक आहेत.
कॉलेजात असताना आम्ही बॅगा घेऊन जायचो मल्टीप्लेक्स ला (बंक मारून)
सैराट न पाहणे हेही एवढं क्रेझ आल्यासारख झालय की सैराट च यश आणखी भारी होत. चित्रपट न पाहण्याची परवानगी असावी म्हणणारे सुद्धा चोरून प्रोमो वगैरे बघत असणार.
या सैराट ने कराडात civil war
या सैराट ने कराडात civil war खाल्ला. :धाय मोकलून रडणारा बाहुला:
पसरट बद्दल + १११११ सिनेमाची
पसरट बद्दल + १११११
सिनेमाची लांबी खूप जास्त आहे. त्यामुळे तब्बल दोन तासाचा फर्स्ट हाफ शेवटी शेवटी कंटाळवाणा झाला. कधी एकदा इंटर्वल होइल असं झालं.
बाकी सिनेमा आवडला. शेवट माहित असूनही सुन्न व्हायला झालं.
स्पॉयलर अॅलर्ट (सिनेमा बघितला नसेल तर पुढची प्रतिक्रिया वाचू नका)
------------------------------------------------------------------------------------------
शेवट सुन्न करून सोडतो या बाबतीत दुमत नाहीच. तरीपण त्या बाळाची रिअॅक्शन वयाच्या मानाने जास्त मॅच्युअर्ड वाटली. नुसतं समोर उभं राहून इतक्या लहान बाळाला आईबाबा मेलेत हे कसे कळेल. रक्त बघून त्याने रडायला सुरूवात केली म्हणावे तर ते रक्त आहे हे सुद्धा कळायचे त्याचे वय नाहीये. खरतर ते आईबाबांच्या जवळ जाऊन त्यांना हलवेल, उठवायचा प्रयत्न करेल. आणि उठत नाही म्हणल्यावर रडेल.
--------------------------------------------------------------------------------------------
Pages