मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 9 March, 2016 - 11:32
दुनियादारी फाट्यावरती मारत जगते
माझ्याशीहीे देणे घेणे ठेवत नसते
वास्तवात आहेत तश्या स्वीकारत नाही
कल्पनेतल्या व्यक्तींना साकारत फसते
त्यानंतरही अगणितवेळा भेटलो जरी
पहिली-वहिली भेट कुणी का विसरत असते ?
जागोजागी सुरुंग पेरत मतभेदांचे
विस्फोटाच्या वाटेवरती धावत सुटते
नाविन्याच्या गावी जाणे टाळत आले
आठवणींच्या विश्वामध्ये भटकत थकते
झाल्यानंतर विभक्त त्यांची मैत्री जमली
आत्म्यासोबत शरीर होते झगडत नुसते !
सुप्रिया
विषय:
Groups audience:
Group content visibility:
Public - accessible to all site users
शेअर करा
>>>वास्तवात आहेत तश्या
>>>वास्तवात आहेत तश्या स्वीकारत नाही
कल्पनेतल्या व्यक्तींना साकारत फसते>>>व्वा!
छान गझल!
नाविन्याच्या गावी जाणे टाळत
नाविन्याच्या गावी जाणे टाळत आले
आठवणींच्या विश्वामध्ये भटकत थकते>>> अगदी
झाल्यानंतर विभक्त त्यांची मैत्री जमली
आत्म्यासोबत शरीर होते झगडत नुसते >>> जान ए गझल झाल्यात ओळी.
शेवटचे दोन शेर ,,व्वा ! छान
शेवटचे दोन शेर ,,व्वा !
छान सुंदर!