दिवस ढकलायला शिकलास तू

Submitted by जयदीप. on 8 March, 2016 - 01:02

दिवस ढकलायला शिकलास तू
कसा तोवर इथे रमलास तू

मिळाली दाद कोणाची तुला
कुणाला एवढा कळलास तू

कुठे जाणार होती वाट ती
वळण नव्हते तिथे वळलास तू

तुला कोणीच नाही पाहिले
मलासुद्धा कुठे दिसलास तू

प्रवाहाधीन नव्हते व्हायचे
किती मग एकटा पडलास तू

जयदीप

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा