बेस्ट उपमा कसा जमवावा

मी उपम्यात फ्लॉवर बटाटा गाजर कांदा टोमॅटो मटार अशा सर्व भाज्या किंवा घरात असतील त्या घालत असते. कोबी नाही घातला कधी. बाकी दाणे/ काजू/उडिद दाळ पण घालते.
पुढच्या वेळेस तुझ्या रेस्पीने करून पाहीन सायो..

सायो, या रेसीपीनी आताच उपमा केला. खाताखाताच लिहितेय कारण अप्रतिम झाला आहे. फक्त मी रवा कच्चाच वापरला. मस्त लागतेय चव.

फोडणीत बारीक चिरलेले आले घालून पहा.तसेच पाणी उकळताना त्यात चिमटीभर साखर टाका.

मी या बीबीवर अगोदर लिहिलंय का, आठवत नाही.
सध्या घरच्या ज्येनांना आवडणारा मऊसूत, लुसलुशीत व अडगळ विरहित उपमा (किंवा त्याला तिखटा-मिठाचा रवा म्हणूया हवंतर!) मी असा करते -

किंचित जास्त तेलाची फोडणी करून (किंवा तेल + तूप समप्रमाणात फोडणीसाठी घेऊन) त्यात जिरे, ते तडतडले की हिंग, तिखट (अथवा सुकी लाल मिरची), चमचाभर उडीद डाळ व कढीपत्ता घालून परतते. आल्याचे २-३ छोटे तुकडे घालते. भाजलेला रवा फोडणीत घालून मंद आंचेवर मस्त परतून घेते. त्यातच अनेकदा किसलेले सुके खोबरे घालून परतते. मग जवळपास चौपट पाचपट गरम पाणी घालून रवा चांगला शिजू देते. मिश्रण दाटसर होऊ लागले की चवीनुसार (किंचित सढळ हाताने) मीठ व साखर घालते. आता हे मिश्रण खिरीसारखे दिसू लागते. त्याला धीराने मधूनमधून ढवळायचे. नंतर चमचाभर साजूक तूप वरून घालायचे व झाकण ठेवून एक वाफ आणायची. झाकण काढल्यावर उपमा घट्ट झालेला दिसेल. लगेच उपमा सर्व्ह करायचा. काहीवेळा आंबटसर चव हवी असेल तर मी रव्यात पाणी + थोडे आंबट ताक असे मिश्रण घालते, किंवा मग पाण्यात लिंबू पिळते.
हा उपमा अगदी लहान मुलांपासून ते बोळकं झालेल्या आजीआजोबांपर्यंत कोणालाही विनासायास खाता येतो. मिरची, कढीपत्ता सहज काढून टाकता येतो.

मला करताना तसं करवत नाही समहाऊ. >>> बाहेर हाटेलवाले रवा भाजून बिजून घेण्याच्या भानगडीत थोडीच पडतात? कच्च्याचाही (किंवा जास्तच) मस्त होतो. एकदा खास करून बघ.

मामी, हे मस्त सांगितलंस, न भाजता रवा घालण्याचं. रवा भाजणे कंटाळवाणं काम वाटते. आता नक्की करून पहाते.

रवा भाजून ठेवला की त्याला जाळी पडत नाही म्हणे! त्यामुळे घरी आणल्यावर रवा भाजायचे पुण्यकर्म केले जाते.

छान , मस्त जमला

आम्ही ऊपमा खालील प्रकारे करतो..

भरपुर कांदा बारीक चिरलेला, ८-१० मिरच्या, कढीपत्ता, जिरे, तुप, तेल आणी रवा

एका भांड्यात पाणी तापवत ठेवायचे, तर दुसर्या शेगडी/गॅस वर कढईत थोडे तुप आणी तेल तापवायचे त्यात प्रथम मिरच्या घालुन परतवायच्या, मग कांदा व जिरे घालुन परतायचे. कांदा थोडा लालसर झाला की त्यात रवा घालुन व्यवस्थीत भाजुन घ्यायचा, नंतर त्यात मिठ आणी कोथींबीर घालुन ते एकजीव करुन घ्यावे.
सर्व निट हलवुन मग कढईत गरजेनुसार ऊकळलेले पाणी सोडावे आणी थोडे-थोडे तुप पण टाकावे नंतर मंद आचेवर झाकुन ठेवुन थोड्या वेळाने रवा ऊलटवुन गॅस बंद करा

मस्त मोकळा आणी मऊ ऊपमा तयार.

.

८-१० मिरच्या,>>>>>>>> बापरे! खुप तिखटजाळ नाही का होत. साधारण किती रव्यासाठी घेता इतक्या मिरच्या?

नाही, तसेही आम्हाला तिखट जास्तच लागते

साधारण अर्धा किलोसाठी

८-१० मिरच्या म्हणजे झणझणीतच उपमा होत असेल. एवढ्या मिरच्या मी उपम्याच्या कढईला जरी दाखवल्या तरी घरच्यांना तिखटाचे ठसके लागतील. एक मिरचीही खूऽप होते (म्हणे!). मी सरळ लाल तिखटाचा पर्याय निवडते. तेवढीच अडगळद्वेष्ट्यांना प्लेटमध्ये अडगळ कमी!

मी माझ्याकडच्या मोठ्या वाटीभर रव्यासाठी, साधारण पाव किलो भरत असेल, दोनच हि मिरच्या घेते. त्याही कधी मोठ्या असतील तर दीडच. मी तिखट वाल्या हि मि आणते. लवंगी.

८-१० तिखट मिरच्या, वाटीभर रव्याला म्हणजे उपमा-चटणी होईल की!

उपमा सौम्य चवीचाच मस्त लागतो. त्यात कुरकुरीत चणा डाळ, उडीद डाळ, मधूनच तिखटाकरता लाल सुकी मिरची बहार आणते. वर बारीक चिरलेली कोथिंबीर, खोबरं, शेव ही आवडतं.

वर अकुनी म्हणलंय तसल्या उपम्याला सौदिडिंअन चटणी सांबार असेल तर भारी!

योकु, तुम्ही कायम अस्सल सौदिडिंअन ऑप्शन्स देता. मस्तच

८-१० तिखट मिरच्या, वाटीभर रव्याला म्हणजे उपमा-चटणी होईल की!>> अरे पण त्यांनी लिहिलंय ना की ८-१० मिरच्या त्या अर्धा किलो रव्यासाठी घेतात.

मलाही रवा न भाजताही उपमा छान होतो हल्लिच समजले. आणि घरी आवडतो.
मी तेलात थोडी मोहरी, थोडे जीरे, हिंग, लाल सुक्या मिरच्या, उडीद डाळ आणि भरपूर कढीपत्ता घालते. त्यात रव्याच्या ४-५ पट पाणी घालते. मीठ, साखर घालते. चांगलं उकळलं की हळूहळू रवा घालते. थोडा पळीवाढा असतानाच गॅस बंद करून झाकण ठेवते. गरम गरम मऊ उपमा वाढते. एकदम बाहेरच्यासारखा होतो.

~साक्षी

योकु, लिंबाची चंद्रकोर जाणून बुजून विसरलास? कु फे हे पा?
नुकतेच काही लोकांकडून कळाले की त्यांना पोहे-उपम्यासोबत लिंबाची फोड देतात ते अजिबात आवडत नाही, का तर म्हणे लिंबू पिळताना बोटे चिकट होतात. (पण मग बोटाला लागलेले लिंबाचे आंबट चवीचे तंतुकण तोंडाने मटाक्क आवाज करत लुप्त करण्यातली मजा कळणार कशी?)

मी केला आणि छानही झाला. इथे जाळी पडली नाही सहसा म्हणुन चालुन गेले आजवर. पण टोमॅटो घातलेला आवडत नाही. चव बिघडते. म्हणुन आतापासुन नाही घालणार.

इंटरेस्टिंग वाटतेय रेसिपी! पुढच्यावेळी उपमा करताना या पद्धतीने करेन. रेसिपी दिल्याबद्दल आभार!!

Mast..आज try केला

वाह...मस्तच...मीही जवळपास असाच करते... टोमॅटो चना डाळ ताक कोबी गाजर घालत नाही..फोडणीत उडीद डाळ घालते...रवा तुपावर मंदसा परतते.. साखर आणि आलं मस्ट... कोथिंबीर आणि खोबरं, लिंबू मस्ट... कधी कधी हिरवी कॅप्सीकम पण घालते.. बटाटा अगदी लहर आली तर...