Submitted by सुप्रिया जाधव. on 3 February, 2016 - 11:14
नको घालूस साधे घांव वरवर
चिघळणारी जखम दे दयायची तर !
दम्याची ढांस होती जीवघेणी
हवेने पावसाळी घातली भर !
उबारा दे म्हणाले गोठल्यावर
निखारा घातला पदरात सत्वर !
मनामध्ये दिला मी आसरा घे..
मनाला वादळा उद्ध्वस्त तू कर
समस्यांच्या मुळाशी घाव घालू
समस्यांची उकल साधायची तर !
कसा मिळवू पुरेसा प्राणवायू
सभोती जर तुझा नाहीच वावर ?
पहाटेला धुके स्वप्नात आले
दवाचा थेंब होता पापणीवर
सुप्रिया
विषय:
Groups audience:
Group content visibility:
Public - accessible to all site users
शेअर करा
सुप्रिया.. heartrending!!!
सुप्रिया.. heartrending!!!
>>>कसा मिळवू पुरेसा
>>>कसा मिळवू पुरेसा प्राणवायू
सभोती जर तुझा नाहीच वावर ?
पहाटेला धुके स्वप्नात आले
दवाचा थेंब होता पापणीवर<<<
अप्रतीम.
सुरेख गझल. व्वा वा!
पहाटेला धुके स्वप्नात
पहाटेला धुके स्वप्नात आले
दवाचा थेंब होता पापणीवर >>> भारी....
क्या बात ... सुरेख !!
क्या बात ... सुरेख !!
अप्रतिम!!
अप्रतिम!!
मस्त! निखारा विशेष!
मस्त! निखारा विशेष!
निखारा , प्राणवायू ...
निखारा , प्राणवायू ... जबरदस्त !! ...
धुके ..मस्तच ..