मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
सेल्फी
आजकाल सेल्फीचं भलतं फॅडच निघालंय
आणि या तरुणाईला तर अगदी वेडच लागलय
वेगवेगळ्या लोकांसोबत , वेगवेगळ्या ठिकाणी
फ्रंट कॅमेरा लगेच होतो ऑन होतो त्यांचा त्या त्याचक्षणी
कधी ऐतिहासिक स्थळांना भेट देताना
तर कधी एकमेकांनाच प्रेमाचा विश्वास देताना
कधी मॉलमधे मित्र मैत्रिणींसोबत
कधी सिनेमा हॉलमध्ये , पॉपकॉर्न आणि पेप्सीसोबत
कधी आनंदात बेभान होऊन डुंबत असताना
तर कधी भर गर्दीतही एकटेच फिरताना
अशा अनेक सेल्फीज अपलोड होतायत फेसबुकवर , व्हॉट्सॲपवर
त्यावरच्या कॉमेंट्स आणि लाईक्सने मग पडत जाते त्यात भर
स्वतःशिवाय जणू कुणाला दिसतच नाहीये जग
आयुष्यातले अनमोल क्षण निसटून जातात हातातून मग
आणि या सेल्फीत तरी कुठे होतो , आपला खरा चेहरा कॅप्चर
तो तर लपलेला असतो आतच कुठेतरी खोलवर
तो चेहरा येऊ द्या ना कधी तरी या सेल्फीत
आपणच आपल्याला मग नव्यानेच सापडू कदाचित ....
कविता क्षीरसागर
