सूर्यास्त

Submitted by जयश्री हरि जोशी on 20 October, 2015 - 12:03

मोकळे केस करताना
तू किती खरी असतेस
प्रेमाच्या कवितेमधली
पहिलीच ओळ दिसतेस

तू पेडांमधुनी माझे
उकलून हृदय विणतेस
विसरल्या दिशांची गाणी
मग हट्टाने म्हणतेस

तू माझ्यानंतर माझा
सूर्यास्त रोज बघतेस
ढळणाऱ्या सूर्यामधले
कारुण्य होत जगतेस

विषय: 
काव्यलेखन
शब्दखुणा: 
एम
जया
Groups audience: 
गुलमोहर - कविता
Group content visibility: 
Public - accessible to all site users
शेअर करा