तुझेच गाणे ओठावरती
तुझिया वरती गीत लिहाया शब्द जुळवतो
तुझेच गाणे ओठावरती मी गुणगुणतो
तुझे हासणे, तुझे बोलणे, तुझे लाजणे
मला आवडे कधी तुझे ते रुसून बसणे
तुझ्या भोवती सदा सर्वदा मी रुणझुणतो
तुझेच गाणे ओठावरती मी गुणगुणतो
वसंत फुलला जेंव्हा भेटी झाल्या अपुल्या
आठवणीच्या शुभ्र तारका मनी कोंदल्या
बेमौसम का श्रावण तू येता रिमझिमतो?
तुझेच गाणे ओठावरती मी गुणगुणतो
मिसळुन गेलो केंव्हा आपण पत्ता नाही
दोस्तीमध्ये गाजवलेली सत्ता नाही
आठव येता झर्याप्रमाणे मी झुळझुळतो
तुझेच गाणे ओठावरती मी गुणगुणतो
सुखदु:खाची एकच व्याख्या अपुली आहे
सूर, ताल, लय आयुष्याची जपली आहे
केसामध्ये फुले तुझ्या अन् मी दरवळतो
तुझेच गाणे ओठावरती मी गुणगुणतो
तू नसताना क्षितीज असते काजळलेले
चैन हरवुनी भाव मनाचे वादळलेले
तुला शोधण्या अंधःकारी मी मिणमिणतो
तुझेच गाणे ओठावरती मी गुणगुणतो
आम्रतरूवर मोहर नसता, कोकिळ ताना
सदा ऐकल्या मिठीत आपण मोहरताना
आम्राईतुन झुळूक होवुन मी सळसळतो
तुझेच गाणे ओठावरती मी गुणगुणतो
निशिकांत देशपांडे मो.क्र.९८९०७ ९९०२३
E Mail-- nishides1944@yahoo.com
खुप आवडली। ।।
खुप आवडली।
।।
सुरेख कविता
सुरेख कविता
वाह्...सुंदर! आम्रतरूवर मोहर
वाह्...सुंदर!
आम्रतरूवर मोहर नसता, कोकिळ ताना
सदा ऐकल्या मिठीत आपण मोहरताना
आम्राईतुन झुळूक होवुन मी सळसळतो>>>क्या बात है!
वाह्...सुंदर! आम्रतरूवर मोहर
वाह्...सुंदर!
आम्रतरूवर मोहर नसता, कोकिळ ताना
सदा ऐकल्या मिठीत आपण मोहरताना
आम्राईतुन झुळूक होवुन मी सळसळतो>>>क्या बात है!
.सर्वांचे मनापासून अभार
.सर्वांचे मनापासून अभार प्रतिसादासाठी.
कसली सुंदर आहे.
कसली सुंदर आहे.