आतिफ ! अस्लम !

थोडीशी समजण्यात गल्लत होत आहे असं वाटतंय. रेहमानला सुरांचं ज्ञान नाही असं म्हणायचं नसणार. एकापेक्षा एक गाणी रेहमान ने दिली आहेत. पण एखादा संगीतकार चांगला गायक असलाच पाहिजे असा नियम नाही. रेहमान निश्चितच चांगला संगीतकार आहे, पण बर्‍याचदा तोही (आतिफ प्रमाणेच) सुरात गात नाही. हे असूनही दोघांच्याही आवाजात काहीतरी वेगळेपण एक्स फॅक्टर आहे.. तसं नसतं तर 'ख्वाजा मेरे ख्वाजा' कधीही लागलं तरी तितक्याच उत्साहाने नव्यानेच ऐकल्यसारखं तल्लीन होऊन ऐकलं गेलं नसतं. ( हे फक्त एक उदाहरण आहे)

... एक रेहमान व आतिफचा चाहता

मित मम!

पण त्या उदाहरणामुळे नकळत रेहमान आणि आतिफ एका तागडीत आलेत एवढे मात्र खरे.
>>
प्लिज असं नको करूस बाबा
एक धागा बरा चाललाय. मस्त लिंका जमा होतायेत. कशाला वाट लावतोस त्याची.

हे वाक्य अगदीच अनावश्यक आहे.
रेहमान आणि अतिफ दोघंही बेस्ट असले तरी एका तागडीत नक्कीच नाही.
प्लिजच!

असो, तर मग याचा अर्थ इतर गायक गायिका उदाहरणार्थ श्रेया घोषाल यांचा सूर लतादीदींसारखा 100 टक्के नसावा. 99 टक्के किंवा 99.9 टक्के असावा. म्हणजेच त्यांचा एखादा सूर (0.1-1 टक्के सूर) इथे तिथे होतो असे म्हणू शकतो.चुकत असेल तर करेक्ट करा. >> नाही रे, माझी तेवढी कुवत नाही कि मी श्रेया घोषालचा चुकला सूर शोधावा. हां, मी आतिफचा बेसूर नक्कि ऐकू शकतो. ०१. ते १ % वगैरे मोजमाप तू कर जमलं तर. मला गाणं ऐकताना सूर चुकला कि त्रास होतो आणि जो गायक वेगवेगळ्या भावातील गाणी गाताना त्यातल्या भावनेचा लिहाज ठेवून वेगवेगळ्या प्रकारे गातो तो मला भावतो. उदाहरणार्थ सोनु निगम, शंकर महादेवन, हरिहरन इ.
केवळ वेगळ्या गाण्याचे शब्द व चाल वेगळी पण नेहमी एकाच प्रकारे गाणारा गायक मला आवडत नाही उदाहरणार्थ - अदनान सामी, आतिफ असलम, हिमेश वगैरे बरेच.

पुढे आपण म्हणालात तसे सूर एडीट करून परफेक्ट करायचे सॉफ्टवेअर आहे. म्हणजे आतिफचा एखादा इथे तिथे जाणारा सूर एडीट करून त्याला पर्रफेक्ट करू शकतो. >> भले शाब्बास.. असच केल्याने आपल्याला अजून "प्रतिभाशाली" नवीन गायक मिळतील. सगळेच परफेक्ट. अगदी तू आणि मी सुद्धा!! सा रे ग म वगैरे स्पर्धा पण रद्दच करुयात मग. कशाला उगाच लोकांना लाईव्ह गायला लावायचं?

राहिला प्रश्न प्रत्यक्षात गाण्याचा.. तर कम ऑन.. आग लावतो तो स्टेजवर.. यूट्यूब करा आणि त्याचा कुठलाही लाईव्ह कॉन्सर्ट बघा >> बघितले आहेत. त्याचं ते गळा काढुन गाणं अजिबात आवडलं नाही. एका प्रतिसादात कोणी म्हटलं आहे कि दुसर्‍या भागात तो गायल्यावर, श्रेया घोषाल पहिल्या भागात गायली हे विसरायला झालं... माझ्या बाबतीत नंतर आतिफ ने गाऊन सगळा विचका केला असं झालं.

ह्या बाफ वर हे मा शे पो, कारण माझ्या मते मी तुला रसमलाईची महती सांगतोय आणि तुला चमचाभर साखर घातलेल्या दुधाच कौतुक आहे. तुझं मत, तुझी ईच्छा.... शुभेच्छा!!

रच्याकने - मी एका गायकाच्या गाण्याचा दुवा दिला होता.. त्यावर तुझं मत सांगितलं नाहिस.

टण्या | 9 September, 2015 - 08:46 नवीन
ॠनमेष उत्तम युक्तिवाद.

+१
मी बॅरिस्टर विषयीची प्रतिक्रिया उपहासाने केलेली नव्हती.
ऋन्मेऽऽष कडे डोके न फिरवता स्वतःचे (दुर्दैवाने बरेचदा चुकीचे) मुद्दे मांडायची विलक्षण हातोटी आहे.
एका धाग्यावर त्यानेच म्हणले होते की यु कॅन लव ऑर हेट हिम बट कॅनॉट इग्नोर हिम.
हे आता त्याच्या बाबतीतच ज्यास्त खर ठरतय.

चि ऋन्मेऽऽष, तु "मायबोलीचा उगवता सुप्परस्टार - ऋन्मेऽऽष !" असा धागा पण काढूनच टाक आता.

आतिफचा आवाज सगळ्याच गाण्यांत आवडत नाही. त्यामुळे माझ्याकडून यात काही अ‍ॅडिशन नाही.

आतिफ आवडलाच पाहीजे अशी सक्ती करण्यात येणार नसेल तर - लेख म्हणून चांगला आहे हा लेख.

इतक्या काथ्याकुट, उलट सुलट चर्चा, अर्ग्युमेंट ,मुद्दे पटवून देण्याचा अट्टाहास करताना त्या कलेतला, गाण्यातला, संगीतातला, शब्दातला, अनुभूतीतला आनंद घेणं बाजूला तर राहून जात नाही ना !

सौ सुनार की एक रार की!

जमाना झाला असली सॉफ्टवेअरं येऊन. ए. आर. रहमान जेव्हा गातो, तेव्हा त्याचे असिस्टन्ट्स रहमानचं गाऊन झालं की अनेक तास 'ओढाताण' करून त्याला सुरात आणतात, असं मला त्याच्या टीममधल्या एकाने सांगितलं होतं. >>
काहीही काय!
रहमान लाइव्ह गातो तेव्हा कोण ओढाताण करत असतं?

बाकी आतिफ अस्लम आधी खुप्प आवडायचा. आता ठीक. "तेरे बिन..", "दूरी" वगैरे फार आवडतात.

पण या निमित्ताने मी आतिफ दुसर्‍यांपर्यंत पोहोचवतोयही >> पोचवायचं काम जरूर करावं. पण ते पोचतंय का, किती पोचतंय, का पोचत नाही, पोचत कसं नाही इ.इ. हे ऐकणार्याला ज्याचं त्याला ठरवू द्यावं, असं नाही का वाटंत?

आता कुणीतरी मंगेशकर भगीनींना बेसुरं म्हणून टाका म्हणजे प्रश्न मिटला.
>>> हे म्हणून झालय . लता काय बेसुरी गात नाही काय असे फोनवर जयवंत कुलकर्णी दादा कोंडकेना म्हतले होते असे दादानी त्यांच्या पुस्तकात लिहिले आहे. पुढे ते यथावकाश 'योग्य जागी 'पोचवण्यात आले आणि जयवन्त कुलकर्णी यांचे गायन करीअर संपले.

रहमानच्या बाबतीत तो वाद्यमेळाचे ट्रॅक्सचे कॉम्प्युतरने सिंक्रोनाई़ज करतो . गायनाची ओढाताण नव्हे. गयन तर ओरिजिनल असते.

आतिफ अस्लम या नावाचा कोणी गायक आहे?

नाही आवडत याचे गायन. खरच रेकतो. गाताना प्रत्येक क्षणी रेकतो. त्यातल्यात्यात एकच गाणे ऐकु शकते, 'तुझको जो पाया' . बाकी फाफा. करावी लागतात. तरीही रेश्मैया इतका असह्य नाही करत. आणि अनु मलिकला मजेतपण गायक म्हणुन संगीताचा अपमान करु नका.

ऋन्मेष, गाणे ज्या पट्टीत गाऊ त्यातल्या प्रत्येक सुराची ठरलेली फ्रिक्वेन्सी असते, ती गाताना थोडीजरी कमीजास्त झाली की बेसुर होते व कानाला लगेच खट्कते
वर लता व श्रेयाबद्दल एकत्र वाचनात आले म्हणुन..... सुरात गायचे म्हटले तर लताच काय पण श्रेया, कालची अलका पण बेसुर होत नसतील, (श्रेया आवडते, अलका थोडी आवडते) पण आमच्या लताच्या गळ्यातुन वेदना, भावना आणि अजुन अलौकीक असे बरंच काही जे प्रकट होते ते इतरांना जमत नसते म्हणुन लता अद्वितीय होते आणि इतर येतात-जातात. म्हणुन पौडवाल मॅडम सुरात गायल्या तरी 'रसिका मी ' शिवाय कधीच आवडत नाहीत.
लताशी तुलना करणार नाही पण फक्त सुरात गाणे याशिवाय अजुनही काही लागते ते या गायकाकडे जाणवले नाही म्हणुन ऐकवत नाही. चौकट राजाने एक बरोबर लिहिले आहे की 'एकाच पद्धतीत तो सर्व गाणी गातो म्हणुन कंटाळ्वाणा होतो . अर्थात ज्यांना आवडतो त्याबद्दल काही म्हण्णे नाही. रैशमिय्यचे गाणे आवडते असे कोणी म्हटले तर जरा आपली ती ही म्हणजे चक्कर येइल. दॅट मॅन इज नॉट अ सिंगर.

आतिफ अस्लम या नावाचा कोणी गायक आहे?<<<
हा प्रश्न मलाही पडला..

या चर्चेवरून एक किस्सा आठवला.
मागे एकदा एका परिचयातल्या मुलीने 'मोहम्मद अझीज काय सुंदर गातो!!! मला तर बाई मोहम्मद रफीपेक्षा त्याचाच गाणं आणि आवाज आवडतो.' असं म्हटलं होतं. आजतागायत त्या मुलीशी गाण्याविषयी काहीही बोलण्याचं धाडस झालेलें नाही माझं.

अचानक आठवलं आणि इथे नोंदवण्यासारखं होतं म्हणून लिहिलं इतकच..

असो...
हिमेश, हनी सिंगनाही डोक्यावर घेणारे लोक आहेत..

शेवटी 'आपली आवड' :फिदी:.
जास्त लिहिण्यात आणि वाद घालण्यात रस नाही.
तुमचं चालू द्यात.

वाचकहो,

आयला, इथं लोकं कसले वाद घालत बसलेत कोणी गायक आहे की नाही यावर! खरा गायक मीच आहे. हेच पहा ना या सगळ्या गायकांना मंचावर जामानिमा लागतो. कुणाला कसलीकसली महागडी उपकरणं लागतात. मी मात्र तपेली, बालदीभर पाणी, टॉवेल आणि साबण यांच्या सान्निध्यात सप्तसुरांचे स्वर्ग उत्पन्न करत असतो रोज सकाळी स्नानगृहात. सूर थोडा इकडेतिकडे झाला तरी काही म्हणजे काहीही बिघडत नाही. कधीकधी तर सातांचे पन्नाससाठ सूर सहज होतात. आणि काय तो आतिफास्लम, म्हणे स्टेजवर आग लावतो. माझ्यासारखा पाण्याखाली येऊन आग लावून दाखव म्हणाव.

मला एकदा बोलावून तर बघा तुमच्या घरी. तुम्हीही माझ्यासारखेच गायक व्हाल. शंभर टक्के ग्यारंटी.

आ.न.,
-गा.पै.

मला एक कळत नाहीये की आतिफचा प्रत्येक चहाता तो फार सुरेल नाहीये हे मान्य करतोय तर बाकिच्यांना आता नेमका काय प्रॉब्लेम आहे?
मला आता ही चर्चा बाजुला ठेवून आतिफच्या गाण्याच्या लिंका हव्या आहेत. मिळतील का त्या?

यू ट्यूब वर दमा दम मस्त कलंदर सुरक्षेत्र असा सर्च करा. सुरक्षेत्र चे व्हिडिओ येतील. त्यात आशाजी, रूना लैलाजी व आबीदा परवीनजी ह्या तिघी उत्स्फूर्त पणे दमा दम मस्त कलंदर म्हणतात व आतीफ त्याच्या जागेवरून उठून त्यांना जॉइन होतो. जबरदस्त पर्फॉरमन्स आहे तिघींचा. व त्यात आतीफच्या आवाजाने एक मजा आली आहे. हीमेस शहाण्यासारखा चुप बसून राहतो.

एक पॅन एशिअन साउंड आहे त्यात हे सिंगर्स येतात. नोटेबली जुनून चे गायक सलमान अहमद,
नुसरत फतेह अली खान ,आतीफ.. अजून बरेच आहेत. रेकॉर्डेड पर्फॉरमन्स हा विक्री साठी अस
ल्याने तो स्टु डीओत घासून पुसून पर्फेक्ट बनवलाच जातो. पण लाइव्ह मध्ये थोडा सूर वेगळा लागू शकतो. ते जास्त नैसर्गिक आहे. पण लाइव्ह मध्ये हे लोक्स सुरांच्या ज्या करामती करतात किंवा थोडे इंप्रॉव्ह करून युनीक सुरावटी आणतात त्याची मजा औरच आहे. त्या मानाने जे कायम लाइव्ह
गातात जसे साब्रि ब्रदर्स पटाखा गुडी वाल्या सिस्टर्स त्यांचे आवाज किती वेगळे व कमावलेले अस्तात ते श्रवणीय आहे.

किरु...

काय पर्फेक्ट उदाहरण दिले आहे तुम्ही !!

सुनिधी, किरु अनुमोदन

अमा, काय गाण आठवून दिलत.... वाह्

चला! आता अतिफ अस्लम चा नंबर आहे नावडत्या यादीत जाण्याचा.

>>चला! आता अतिफ अस्लम चा नंबर आहे नावडत्या यादीत जाण्याचा<<

>>चला! आता अतिफ अस्लम चा नंबर आहे नावडत्या यादीत जाण्याचा<<

या ऋ ला सुपार्‍या दिल्या पाहिजेत.

आतिफ ची गाणी लागली की हल्ली एफेम चॅनल चेंज करतो मी.... फार किनरा गातो... त्यामुळे एकसुरीच वाटतो.

काही गाणी आवडतात त्याची.. पण ज्याची स्वतंत्रपणे एकामागून एक त्याचीच गाणी ऐकावी आणि माहौल तयार व्हावा अश्या यादीत आतीफ अजिबातच बसत नाही.....

द्यायला कशाला हव्यात सुपार्‍या? घेतोयच की तो.

आता पुढचा नंबर कुणाचा रे भौ